目前日期文章:200811 (21)

瀏覽方式: 標題列表 簡短摘要

月色映在我的臉龐
今夜適合寂寞陪伴
說過的話繞在我腦海不停的轉

有些事總不能重來

Mandy9013 發表在 痞客邦 留言(0) 人氣()

昨天沒有回公司,今天返去做了半天義工,諗住做完 report 就走,已經無開電話架喇,但都係做唔到嘢,一個二個係都要嚟攪我,您地當睇唔到我得唔得架?我不在公司時,您地咪又係咁做,點解係都要煩下我先安樂唧?結果攪到一點幾我都係做唔到 report,唉!算把喇,都係抄 d 數字返屋企做。本來今日下午約了去哥哥度整電腦,不過哥哥臨時有嘢做,又整不到部機,煩死人喇!>.<


Mandy9013 發表在 痞客邦 留言(0) 人氣()

今年Ocean Terminal d 聖誕燈飾好特別好靚,在上樓梯位的天花吊滿了一排排不同形狀的時鐘,好像進入了多拉A夢的時光隧道,好有童話 feel好浪漫,還有那列小火車,須然沒什麼特別華麗裝飾,只簡簡單單圍滿了七彩的燈泡,但很有小鎮的風貌,好喜歡置身其中的感覺。好可惜今早上班時太怱忙,忘記了帶相機,未能把時光隧道拍下來,希望下星期能抽空再去拍下照片 >.< 今年的聖誕氣氛真的差了很多,由 Ocean Terminal 至 Harbour City 的商場,人流明顯比往年小了很多,簡直可用疏落來形容,商店內都不見有顧客,行人都是在作 window shopping,這次我們受金融海嘯的影響可真不小! 好希望大家都能夠儘快走出陰霾,恢復昔日的光彩喇。


Mandy9013 發表在 痞客邦 留言(0) 人氣()

今日勁多嘢做, 忙到簡直分身乏術, 又要睇 new system demo,又要聽電話,customer service 又不停搵我,問 d complaint 點 settle, 佢個個 case 都話 settle 不了,問我點算,即係咁妳就 settle 唔到 d case,係要我先 settle 到嘅,我覺得如果全部 case 都我做番,係咪應該我出埋妳份糧呢,公司使鬼請兩個人嚟做 customer service 喎!New system 個 demo 仲離譜,我想睇嘅全部 show 唔到比我睇,全部都話要 tailor made,我夠知喇,就係想您做好 present 比我睇,點知您地都未準備好,就上嚟o徒晒我 d 時間


Mandy9013 發表在 痞客邦 留言(0) 人氣()

今晚同廣州來的同事去了元碌食壽司,香港的壽司真是好食過廣州嘅壽司多多聲,我食左好多呀,聽日又要減肥喇!食完壽司陪佢行左一陣街,然後送佢番酒店,佢條友又話認得路,結果係太子地鐵站附近兜來兜去,都搵唔到佢住果間酒店,最後要行番落地鐵站,去番 D 出口,先搵到間酒店,咁叫做識路,真係俾佢激死!佢昨日來時,已經唔識路攪左好耐,唔識咪唔識囉,咪懶醒先得o架!本來我叫了 admin 安排人去火車站接佢,佢又懶醒話識路,唔使人接,知道點去酒店喎,結果佢話搭完地鐵,拎住d行李行了四十五分鐘兼去錯了酒店,最後又係要派人去接佢,浪費左半天時間,唔識唔使扮勁嘅,老實d好喎。查實妳唔只唔識,仲有d蠢添囉,又見我去廣州要人接送,我咪又係自己去酒店 check-in 再自己去 office,走時又係自己去火車站,邊有蕩失路架!


Mandy9013 發表在 痞客邦 留言(0) 人氣()

唉,屋企部電腦又中左毒,連網都上唔到,有冇攪錯呀?上個禮拜六先拎去比哥哥 formal 完,而家又中毒,放病毒的人真的很討厭!今年已經俾部電腦玩死我,由年頭整到年尾,一放假就去整機,抬住部機走嚟走去,唔好再玩我喇!


Mandy9013 發表在 痞客邦 留言(0) 人氣()

本來 plan 左今日去整頭髮,不過計劃有變,攪到我去唔到整頭髮。原因是這個星期 Nellie 會來香港做培訓,我應承左幫佢買嘢,所以今日好早就起左身,先出去幫自己買完 paper mask 後,再買左件冷外套俾自己。之後就去幫佢買嘢,佢托我買果支藥膏,原來香港平過佢之前在澳門買嘅一半呀,另外佢要果 d 明治味覺糖,果間舖頭入面 d 提子味及草莓味嘅味覺糖,俾我一次過掃走晒呀。買完嘢,去 KFC 食下午茶,食左三件雞,格格薯同雞皇飯 + Coke。返到屋企又食珍珍薯片同卡樂 b 蝦條,夜晚再食飯,嘩!今日食左好多嘢呀,放縱左一日,食左好多高脂食物同卡路里落肚,我聽日一定要減肥喇,唔係好快變豬架喇!  


Mandy9013 發表在 痞客邦 留言(0) 人氣()

屋企部電腦又中左毒,今次呢個真係好毒呀!俾佢 block 晒所有程式,連關機都關唔到,攪到我今日要晨咁早起身,拎部機去哥哥度整,哥哥又住得遠喎,拎嚟拎去好辛苦呀,今日一整又整左一天,成五點幾先番到屋企,好眼瞓呀,即刻上床再瞓過,瞓到七點半先起身食飯,食完飯又要開始做 report 喇,唔係星期一就冇得交!


Mandy9013 發表在 痞客邦 留言(0) 人氣()

今日係我返屋企嘅大日子,連續食左四日一模一樣嘅早餐,有d唔係好想食,嗱嗱淋食完就去 check-out,放低 d行李響禮賓部後返公司做埋d嘢,今日個 IPhone 都係有d問題,做唔到 Monitor Call 嘅 function,整左兩日都整唔好,好鬼煩! Lunch 佢地買左個五蚊人民幣嘅飯盒我食,好難食呀! 仲要一路食一路做 appraise,食左兩啖就冇食啦,做完 appraise,我就走人啦! 本來想去麥當奴買個飽食,點知響公司樓等左好耐都冇的士,驚趕唔切,結果冇去買到呀!企響條街度又大風又曬,曬死我咁滯,做乜兩點幾都截唔到的士架,咪阻住我返香港好喎,今晚係 Grandma 嘅 B-day,我要趕返去同佢同 d 親戚食飯呀,如果 miss 左呢班直通車,要再等多兩個鐘先有車架,返到去要七點幾架喇,我唔想拎住個喼去酒樓呀! 好在等左差不多二十分鐘,終於都截到的士喇,仲要響正馬路中央上車,真係好驚呀,不過唔理喇,快d飛車返酒店去禮賓部攞番個喼,跟住拖住個喼極速跑去火車站,唉! 去到火車站又迷左路添,唔記得左響邊度上去買直通車票,越急就越亂,響火車站兜嚟兜去,好在最後都搵到同買到15:36班嘅火車票,真係一額汗!上左車之後做乜? 仲使問嘅,梗係扮豬啦,哈哈! 17:25分準時抵達香港,即刻返屋企放低 d行李,然後就搭車去酒樓 Join  佢地,不過我到時都未齊人,好在我唔係最遲果個 jet。嘩!今晚 d 嘢都好難食下喎,都唔知 Grandma 點解年年都要嚟呢間酒樓食,又難食又唔係平,仲要鬼死咁遠,我真係最憎就係呢間嘢,結果食左一日好難食嘅嘢!


Mandy9013 發表在 痞客邦 留言(0) 人氣()

仍然好凍,來了廣州幾天, 我發現這幾天面孔白了很多喎, 一定是凍到面青口唇白呀, 唔使用漂白產品,哈哈! 今日都好累, 電話系統出了問題, 做不了 monitor call, 結果做 Management Training, 講了一天話, 講到聲音沙啞, 放工後都唔想再講嘢, 偏偏今晚又約了人食飯, 又傾左三個鐘, 攰到不堪, 如果聽日電話系統都未攪掂就慘啦, 又要講多大半天, 嘩 ! 唔該真係快d攪掂佢呀, 聽日唔好要我再講啦, 再講真係失聲架啦! 今晚見果個人, 真係好適合我地公司, 佢做緊嘅嘢, 正正就係我地做緊嘅嘢, 希望可以拉到佢跳槽過嚟啦! 咁我又唔使教得咁辛苦, 佢又完全知道一間誇國公司應該點做和操作, 極之完美呀! 不過呢d 其實唔應該我去做囉, 連請人都我做埋, 請問呢度個經理你做d乜架,  你份薪水係咪都分d俾我呀, 我幫你開了頭, 至於能唔能夠招到這個人, 就睇你造化喇!


Mandy9013 發表在 痞客邦 留言(0) 人氣()

今早在酒店吃早餐時,嘩! 怎麼這樣多人,很討厭呢,隔鄰枱的婆婆真行,居然能吃哪麼多東西,直吃了我三天的糧食,還未睡醒,怎能吃得下這麼東西的? 我真是甘拜下風,哈哈,吃至尾聲時,有個阿伯真討厭,明明隔鄰還有枱子,係都要坐在我旁邊,他的食相又不好,攪到我要搬過隔離枱,哼!真是鵲巢鳩占。今日真係好凍呀,回辦公室時,快要冷死, 走在路上,冷得牙關打顫, 好不容易等到下班,飛撲去買衣服,去了著名的北京路步行街,唉! 怎會有這麼醜樣的衣服架? 不是太薄,就是太醜,怎能穿在身上喎! 行得腿也斷掉,什麼也都買不到,看來明天又要冷死了。晚餐只胡亂在路邊吃了煎餃子和紫菜湯,味道只是一般,能吃就是了。


Mandy9013 發表在 痞客邦 留言(0) 人氣()

今日諗番起琴日個的士司機都有d嬲,由酒店去公司,呢度又話唔停得,果度又話唔停得,仲要響老遠放低我,過幾條馬路先去到公司,廣州d馬路真係好恐怖,明明係綠公仔,人行架嘛,d車都照行嘅,過條馬路都嚇餐死,好驚呀! 夜晚響公司返酒店個的士司機仲衰,居然行錯路,去左老遠再兜番轉頭,係咪特登架? 其實今日都好忙,忙到冇時間去諗其他嘢,昨日個 Complaint case 真係好麻煩,俾個 agent 咬住唔放,仲未 settle 到呀! 好在今晚佢地帶左我去食麻辡湯,須然地方好街坊,坐在路邊食,不過好有風味,好好食。今日廣州又突然間涼左好多,我帶唔夠衫呀,如果再凍d,睇怕都要買件衫頂住檔喇,好想冬眠呀! hehe


Mandy9013 發表在 痞客邦 留言(1) 人氣()

真係有 d 難度, 極度痛苦, 要堅持落去.

今日幾唔開心呀, 酒店個 broadband 好慢.

又帶錯左相機條USB線, up load 唔到 d 相,

點解會咁架? 攪到我都冇晒心機!


Mandy9013 發表在 痞客邦 留言(0) 人氣()

今天發生了一些事,令到這次廣州之旅,變得荊棘滿途,

大家已經放了兩個星期的時間落去,唔可以在這個時間放

棄o架!俾 d 時間我去處理,我會想辦法去解決您地的問題,

究竟此行我能唔能夠披荊斬棘呢 ?


Mandy9013 發表在 痞客邦 留言(0) 人氣()

下星期一要去 stay 在廣州 Office,今次去一星期,

繼續未完成的工作,其實廣州的同事都好積極進取

,只是礙於兩地嘅文化差異,令佢地要幾倍的

時間,去適應我們的制度和管理,要佢地在咁短時

間內,好似填鴨咁塞咁多嘢入去,真係幾慘架!希

Mandy9013 發表在 痞客邦 留言(0) 人氣()

  • 這篇文章限定好友觀看
    若您是好友,登入後即可閱讀。

今朝一早就 Check-out,然後飛的返 office,做到一點幾先離開公司去食晏,響荼餐廳食完午餐,之後去左公司附近嘅正佳廣場買左塊座枱鏡,諗住放在公司張枱面度。跟往試下搭廣州d地鐵,估唔到比我想像中要整潔,只係搭一個站就到左火車站,然後上去火車站買了15:26分直通車返香港,本來諗住買去深圳的火車,再響深圳轉火車返香港,但去到火車站見到搭火車去深圳d人都好恐佈吓,為安全計都係買番直通車算喇,買票時問個票務員響邊度上車,佢舉起四隻手指,咁即係點呀? 啞架?我再問多佢一次喇,佢就答左一個字 "4",嘩!妳d態度使唔使咁差呀,無糧出o架妳?頂妳o丫,今時今日咁嘅服務態度唔得o架,人地梗係唔知先問妳喇,妳估我口痕撩下妳咩!買完票就行番酒店攞番d行李,然後行番去火車站 "4"樓搭火車返嚟,唉,火車都誤點,遲左成二十分鐘先開,真係無驚喜,一上車又睡著左,仲瞓到個頭周圍舂,呢o架車張椅無嚟果時架車張椅咁好坐,嚟果陣個頭都冇周圍舂嘅!不過都唔埋喇,繼續瞓,嘻嘻。返都香港都成17:45,差唔多七點先返到屋企呀,一上磅,發覺在上海增果五磅,已經俾番廣州,又得番100磅添,我好想食薯片呀!屋企淨係得番粟一燒,聽日瞓醒要去買薯片同蛋糕先得。


Mandy9013 發表在 痞客邦 留言(1) 人氣()

酒店d早餐真係唔得,非常之難食,仲要一日差過一日,今朝睇見都唔想食,係咁咦整左件多士食就算數。晏晝 Karl 帶左我去食川菜,嘩!簡直係人間極品,比起個早餐,真係天堂和地獄,最正係果個辣椒炒蝦同水煮魚,食到唔停得口,六個人先食左二百幾人民幣,比起琴日同老闆一齊食果餐,平成千蚊,仲要好食過佢。其實琴日晏晝果餐,唔係唔好食,係太過普通同貴遮。夜晚七點幾開始落大雨,我地都留到成八點幾先走o架喇,不過d雨真係冇停落嚟嘅意思,我地企響公司樓下等左差不多成粒鐘先截到的士,又餓又睏,即刻飛車去一間叫大盤菜的酒樓食晚餐,沿途見到周圍都水浸,浸到去小腿咁上下,咁 Q 大雨,真係有傘都死,好在我地安全抵達,又冇淋濕 jet,hehe。我地三個人叫左大盤沙羌雞、蒜蓉蒸鮮貝勝瓜,蝦醬豆角,今晚由我請,都係食左人民幣七十四蚊,又平又好食。


Mandy9013 發表在 痞客邦 留言(1) 人氣()

今年真難忘, 一個人在廣州過生日,昨晚午夜十二時後,收到好多好友在網上及 SMS 的祝賀,今早又有很多來電祝壽,真係好多謝佢地無忘記我........hehe。返到公司,d msn 好似雪花咁飄進來,須然要一個人在廣州過生日,但我覺得好 warm呀。Face book 上更厲害,我們三十多個同月同日生的朋友一起互相祝賀,塞爆晒d e-mail 及 wall to wall,感覺好得意。今天中午,老闆同呀姐都來了廣州 office 視察,我地去左一間叫私廚的中菜館食 Lunch,好食but好貴,都是一些好普通的中菜,五個人食左千幾蚊人民幣。今晚都做到七點幾先收工,之後d同事還請了我去食壽司,真係多謝您們呀。


Mandy9013 發表在 痞客邦 留言(1) 人氣()

今天有d 阻滯,一早07:45去到火車站,點知買唔到08:20的火車票,要搭遲一班火車,遲左一個先到廣州,admin 又話唔使預訂車票,話實有票嘅,點知就出事喇,累我在火車站呆等左一個鐘頭!去酒店 check完 in就飛的去 Guangzhou office,我們一起午餐,d 同事好 nice。真巧,我上星期出差到上海住那間酒店的 DOS,剛好又到了廣州出差,晚上我們還一起吃晚餐聊天,直到十時多才回酒店休息。


Mandy9013 發表在 痞客邦 留言(0) 人氣()

1 2