目前日期文章:200812 (23)

瀏覽方式: 標題列表 簡短摘要

好難過的一年,由年頭開始的雪災、到地震、奧運、殘奧,一直到年底的金融海嘯,也未曾有過好日子,每次都懷著戰戰兢兢的心情去開會,好驚又給罵個狗血淋頭!幸好箭靶並不是我,雖然偶然都會中一兩支箭,不過每次佢個部門都大鑊過我果個,大部份箭佢都擋晒,真係要多謝佢,唔係佢我就實變左箭豬喇!其實今年一直都是咬緊牙關熬下去,天災人禍我們又豈能改變,大家已經盡了力,寄望2009年會有好日子過喇。上海之旅,奠定左我日後的方向,廣州辦事處更是我的重擔,壓力大得喘不過氣來,而且一定不能假手於人,以免重蹈上海的覆轍,要矯枉過正時已經太遲了。2009年需要投放大量的時間在廣州辦事處,令他們儘快銜接上我們,睇怕仍要刻苦經營好長一段日子才可鬆一口氣。希望牛年唔使做到好似隻牛咁喇,祝大家新年快樂呀!


Mandy9013 發表在 痞客邦 留言(0) 人氣()

Today 又開左一日會,傾轉新 system嘅嘢,講足一日,講到成七點先返埋位做嘢,講到聲都沙晒,每次都同唔同嘅公司講,已經講左好幾次,希望可以快 d settle,講埋呢次唔使再講喇!下星期又要出發去廣州 office,完成上次未完成的指標,老闆今早再重申不要廣州辦事處像上海一樣,要他們完全跟我們的模式去操作,必須設定不同的機制去監管,不能有任何偏私或包庇的情況存在。老實講,這個真是知易行難,每間公司也必定會上有政策下有對策,況且他們又在外地,只是遙控監管,很多事情不是可完全掌握在手裡,一定是產生問題後我們才知道及對症下藥,但是我們未必能知悉事情的來龍去脈,這才是我最擔心亦是最難操控的一環。


Mandy9013 發表在 痞客邦 留言(0) 人氣()

今日返到去又全部都係塵,好在上星期六走之前搵 d 膠袋冚住左張枱同張櫈 jet,唔係今日又有排清潔。最痛苦都係將 d file 同文件搬返去六個櫃度,食左 d 咳藥又鬼死咁眼瞓,仲手軟腳軟,搬完之後攰到不堪呀!睇嚟兩條手臂又要痛幾日喇。下午 d 裝修師傅又嚟攪我後面塊玻璃門,裝番轉角位塊玻璃上去,裝完又叫我唔好撞到塊玻璃???喂!塊玻璃啱啱貼住我張椅背,唔好撞到佢都好高難度喎,真係想叫佢示範下點樣會唔撞到!隔冇耐,又嚟貼磨沙膠紙,我都問左您地要唔要讓位俾您地整架喇,又話唔使,結果噴水噴到我個頭同背脊都濕左,唉!真係怕左您地,下次見到您地行埋嚟,我都係自己彈開先。


Mandy9013 發表在 痞客邦 留言(0) 人氣()

Boxing Day 終於的起心肝去睇醫生,d 藥好難食呀,醫生又話唔眼瞓嘅,食左之後仲瘟瘟飩飩添,瞓醒又口腫面腫,好似俾人打左兩搥咁,醜樣指數爆燈,結果成日厘埋響屋企扮豬,病左又肥左,點解咁架?今朝一早又番左公司,由二零零九年一月一日開始,我地取消長短週喇,今日係做最後一次義工,返到去不出所料,十足十戰場咁,成張枱面都係石仔同沙塵,死人 Admin 又話我個位唔使整無嘢架,叫我廿四號放工唔使冚住張枱同張櫈,下次真係唔信佢呀。夜晚係同事Winnie結婚,去左黃竹坑珍寶擺喜酒,舊地重遊,真係感慨萬千,昔日嘅畫面又再浮現腦海中!今晚見番一 d已經走左嘅舊同事,亦見到我最憎果個人,唔係好想同佢講嘢,不過點都要寒暄兩句嘅,仲同佢影左張相,我好想同佢講:死八婆我好憎妳呀!睇番今晚 d 相,見到佢地個個咁肥美,先至發覺原來我好瘦架咋,有張相仲瘦到現晒胸骨添!返到屋企都十二點幾喇,成晚都咳,咳到半夜要起身食藥,點解食左藥都係咁咳架,咳到成晚瞓都瞓唔到,唔好再咳喇,得唔得呀?

CIMG0425.JPG CIMG0441.JPG CIMG0442.JPG CIMG0443.JPG CIMG0444.JPG CIMG0445.JPG CIMG0446.JPG CIMG0447.JPG CIMG0448.JPG


Mandy9013 發表在 痞客邦 留言(0) 人氣()

病左幾日喇,喉嚨痛頭又痛,聲音又沙啞,這兩天還加上咳,晚上瞓瞓下都咳醒,一定是流感作祟,本來諗住今早去看醫生,點知又遲了起來,趕不及去看,整日都暈陀陀的,下午又走了上床瞓,直到夜晚七點半先起來。嫲嫲真係大整蠱,今天的晚餐是炸魚,炸雞翼,炸豬扖,炒菜芯及西芹肉片,點解 d 菜芯苦嘅?西芹又甜(Tika係未落錯左糖呢)?佢咁樣係未即係叫我唔好食呢?食左兩啖都係唔食喇,食蛋糕好過,唔係聽日實啞埋出唔到聲。

Black forest  Fruit Cake


Mandy9013 發表在 痞客邦 留言(0) 人氣()

平安夜,真係一d都唔平安呀!一早個電話又響爆,d人都唔知做乜架,係都要迫埋一齊先打嚟,Lunch之後仲衰,個System 不停咁斷線,上海同廣州都上唔到,佢地又打電話嚟呱呱叫 >.< 唉!您地咪傻喇!我地都上唔到,您地就梗係都上唔到喇,嘈乜鬼丫!攪到五點幾,個電話先靜番d,開始去搬走d file同埋將 d 文件裝箱,執左足足六個吊櫃入面的文件出嚟,搬去第二度先,等裝修完,再搬番晒入d櫃度~.~嘩!又冇人幫手,執完之後死左半截咁滯,仲慘過做咕喱,無喇喇做左苦力,攰到不堪,真係邊度都唔想去,搭車返屋企時,瞓到爭d唔知醒落車,呢個平安夜真係夠晒特別=.=


Mandy9013 發表在 痞客邦 留言(0) 人氣()

喉嚨好痛呀,last night 咳到死死吓,今朝連聲都變埋,真係唔想起身返工~.~返到公司一開電腦,見到有七百幾封電郵,差 d 暈低,都未曾回魂,廣州電話已到,佢係度一輪咀講左好多嘢,不過我有我堅持,已決定左今個星期的 Training Plan,唔能夠輕易變更,要佢地跟番我個 Plan去做。之後開左兩個鐘頭嘅會,真係超累,如果可以瞓一陣就好喇!今天又超忙,要安排同事在嚟緊聖誕節期間裝修時搬位及搬電話線,admin 仲走嚟問我 25Dec可唔可以安排個同事早 d 返嚟開門比裝修師傅,咪玩喇,果個人咪又係我,唔好咁殘忍喇,放假都要我返嚟開門!我已經得番半條命喇,要妳就攞埋去喇!今晚一路直踩到成十點先下班,企響條街度等車返屋企時,俾 d 風吹到頭都甩咁滯,今晚真係凍左好多呀,天文台話今晚會降到十度呀!寒風刺骨,天氣又好乾燥,攪到我好辛苦,好想冬眠呀!


Mandy9013 發表在 痞客邦 留言(0) 人氣()

今朝起身時,個頭痛到霍霍聲,即刻又攞仙丹食(Panadol),食完繼續坐在案前趕報告,不過依稀又聽到床的呼喚呀>.< 唉!頭痛持續,腦海一片空白,不停將個出差報告修修補補,我諗我可能要病喇!下午外出去購日用品,買了一些化妝品及兩只髮夾,這次在廣州連髮夾都整爛埋=.= 回到家才想起忘了去買心愛的Dior香水,家裡那支就嚟用完喇 ,旅行裝亦已用罄,咦....點解會咁架?算把喇,反正今個星期公司會裝修,暫時都不用再出差,放假先再出去買喇。做報告要緊,不然明天便沒得交了,心緒依然很混亂,我手不能寫我心,總是覺得文筆不通順,都唔知寫緊d乜


Mandy9013 發表在 痞客邦 留言(0) 人氣()

驚到成晚都睡得不好,瞓醒之後,即刻打電話向佢地求救,起初又話來酒店救我,等左大半個鐘之後,又話來不了,憎死您地呀!時間越來越近,唔理喇,唯有去火車站博一博,或者跟人換廿蚊人民幣喇!拖住個喼行了幾條街,終於到了火車站,即刻去售票處買車票,咦....好在有一個窗口是可以用港幣買票的,拿到票的時侯簡直想感謝主呀(不過我不信的),哼!唔使您地幫呀,應承左嚟又唔嚟,害我擔足心事。再次踏上回家的時光隧道時,順利過海關後,心才踏實了,怎知惡夢又緊隨而來,時間一分一秒過去,怎麼還不給入閘的,哎呀.............火車又誤點了,侯車室內人人都心急如焚,這班車足足遲了一小時才開出,回到香港已經差不多兩點,嘩!好熱呀,又曬,著住件棉褸曬了二十分鐘才有車來,個司機又開得超慢,比平日用多了半小時才到家,有冇咁黑仔呀?折騰左大半天,返到屋企個頭劇痛,食了 Panadol 上床瞓死左,完全唔想再起身,如果可以一眠不起就好喇!不過唔得,夜晚食完飯之後,又要開始做報告......嗚嗚嗚嗚嗚嗚嗚嗚嗚嗚嗚嗚嗚嗚嗚嗚

三度踏上回家之時光隧道 火車又誤點左一個鐘頭,嗚嗚嗚嗚嗚 


Mandy9013 發表在 痞客邦 留言(0) 人氣()

今日改變了培訓的模式,分開三批去培訓,讓更多同事可以同步進行實習。安排了三位同事做傳真,等佢地熟習一下我們工作的模式,同時可以令佢地瞭解一下傳真的內容,這個Training 的效果不錯。我仍然Mark 住兩位同事接電話,他們今天有很大的進步,工作流程比早兩天暢順了很多。由於十多人擠在一起培訓,我總是覺得沒有空調,熱得頭昏眼花,但Leo堅持已開啟了全部的空調,因此我要求通知管理處派人上來檢查,管理處檢查電箱後,說供應空調的總制根本沒有電流,又怎會有空調呢?嘩!真係爭 d 激到吐血,原來佢地真係冇感覺架!我唔出聲叫人來檢查,都冇人理。唉!這個星期我日日都焗到頭痛,日日都將 Panadol 當糖食晚上和他們去了唱 k,大家開開心心的玩了一個晚上,真的謝謝他們。返到酒店先知出事,發覺得番百幾蚊人民幣,爭廿蚊人民幣先夠買火車票返香港呀,我好驚呀.....................................................

Guangzhou Grand Hyatt 送來的朱古力蛋糕@k 歌之王


Mandy9013 發表在 痞客邦 留言(0) 人氣()

繼續做monitor call training,不過今天電話和電郵都有點問題,老是發不了電郵,電話系統昨晚香港那邊做了升級後,有好幾個IP Phone 都有問題,有點窒及好細聲呀,monitor call時對方都聽不到,真是無奈!中午去了參觀同行的call center,觀摩一下人家怎麼運作,他們的規模比我們要大,畢竟人家早我們兩年登陸,操作上已上了軌道,一齊運行暢順,光是聽他們說當初的培訓期需要六至九個月時間,我都快要昏倒了,我相信我們還有好長的一段時間才能跟他們看齊。午餐去了白天鵝賓館跟他們的總監一起吃,中午他們就喝了兩瓶五娘液,每瓶酒精含量有六十度,真的好嚇人!下班都是做monitor call training,已經來了四天,網上預訂仍然download 不了,看來今次又做不到指標>.< 一直做到八時才下班回酒店check-in,那個的士司機又藉故兜了路,真討厭。

17 Dec 08 ~ My Buffet Breakfast 18 Dec 08 My Dinner @ 味千拉麵 18 Dec 08 My Dinner @ 味千拉麵 GUANGZHOU GRAND PALACE HOTEL @ ROOM 718 GUANGZHOU GRAND PALACE HOTEL @ ROOM 718 GUANGZHOU GRAND PALACE HOTEL @ ROOM 718 GUANGZHOU GRAND PALACE HOTEL @ ROOM 718


Mandy9013 發表在 痞客邦 留言(0) 人氣()

今日都係做monitor call training,佢地好似傻左咁,完全不在狀態,d case 又複習,一個 call 要攪好耐,不過遇到幾個特別case,正好俾佢地學下點樣去處理,希望佢地聽日會好d喇,唔係達唔到標就好麻煩呢!夜晚去左食四川菜,都唔辡嘅,不過都幾好食喇,如果辡d就仲好。

17 Dec 08 ~ My Buffet Breakfast 17 Dec 08 ~ My Lunch 黑椒牛柳飯


Mandy9013 發表在 痞客邦 留言(0) 人氣()

….今朝起身,兩條手臂勁痛,隻手掌仲腫左小小,我都話唔拎咁多本書上嚟架喇,拎五本都攪成咁,佢地仲話叫我拎十本,十本書加埋都重過我喇,點拎喎,好在唔聽佢地講拎十本jet,唔係真係手都斷呀!今日做monitor call training,雖然個電話系統都仲係有問題,不過就做到monitor call,但係又到公司系統有問題,簡直係極度驚嚇,居然可以兩部電腦同步查同一個日期同一個房型的價格,兩部電腦都可以顯示出不同的價格,仲要相差千幾蚊港幣,咁究竟報邊個價先啱呀?天呀!唔好玩我啦,真係重來都未試過架,上海都未試過喇,真係日日都有不同的難題俾我去解決,跟住又發不了電郵同傳真,遠程又常常斷線,咁又攪左一日,七點幾收工時都未攪掂,好擔心聽日點算呀!收工後佢地帶左我去街邊大排檔食飯,好好食呀又平,四個人叫左五個餸一個炒米粉同兩碗飯,都係食左人民幣82蚊咋。16 Dec 08 ~ My Buffet Breakfast 16 Dec 08 ~ My Lunch 香辡排骨飯


Mandy9013 發表在 痞客邦 留言(0) 人氣()

    嘩,d 書好重呀,放左d書落個喼度,都冇位放衫喇,只好著住件羽絨背心同棉褸出發>.< 到左廣州東站,仲要等的士去酒店 check-in,點解d老外咁無風度架,排在我後面都爭了我的的士? 好辛苦先拖住個喼上到的士,今次間酒店好遠呀,搭左成三十蚊先到,咦….成間酒店d人都講國語嘅?由酒店去公司又搭左成二十蚊的士,去到公司時,佢地話好驚呀,成朝都搵我唔到,打電話俾我又不停 cut 線,驚我唔知去左邊,以為我俾人打刧添,佢地驚到不停打電話去酒店查我 checkin 未,哈….都幾開心,原來佢地都好關心我架喎。我睇番個電話,原來上星期日去大嶼山時,將網絡調了手動,唔記得調回自動,所以就接收不了,唔怪之得今早咁安靜,可以上車瞓到落車,完全冇電話騷擾 hehe。唔….廣州公司個電話系統又出了問題,明明上星期換左咭之後響香港試過都冇事,點知上到嚟試又有問題,其實可能係佢地唔識試,等我嚟到一試就發現有問題,今日又做唔到我 planning 內要做嘅嘢,又download 唔到 web booking,公司落左指標,要儘快將web booking 搬過嚟廣州呢邊去處理,今次真係幾麻煩。唯有做住 web booking training先,一教又教到成八點先落班,放工之後叫佢地帶我去買左隻杯,睇嚟我成日都要過來,都係買隻杯放在公司,唔使次次都用紙杯咁唔環保,盛惠人民幣8.9勁超值,之後忡買左兩包我心愛嘅薯片同一包餅乾,哈哈哈哈哈。

GUANGZHOU IT. WORLD HOTEL @ ROOM 1409 GUANGZHOU IT. WORLD HOTEL @ ROOM 1409 GUANGZHOU IT. WORLD HOTEL @ ROOM 1409 15 Dec 08 ~ My Lunch 雪裡紅肉沬飯 15 Dec 08 ~ My Dinner 白切雞飯 買左 Lay's & 珍珍薯川片, 哈哈


Mandy9013 發表在 痞客邦 留言(0) 人氣()

嚟緊公司要裝修,今日返公司做完嘢,就開始執嘢,成個部門咁多嘢,都唔知放去邊度好?好煩!已經丟左好多,但仲有好多唔丟得嘅,headset 都成箱,boxfile 又幾箱,全部都冇地方擺呀


Mandy9013 發表在 痞客邦 留言(0) 人氣()

今日難得放假一天,一早同屋企人去飲茶,嘩!平日都咁多人嘅?真係好耐都未試過平日去酒樓喇,點解d人唔使返工嘅?飲完茶之後去左尖沙咀 shopping,去到海港城仲誇張,簡直係人山人海,又話金融海嘯經濟低迷,每間名店都要排隊入去,其實我最想買個 LV,所以就走去排LV先,等左大概十五分鐘就入到去,咦....都冇新款,d 餃子袋又咁女人,唔係好啱心水,不過d 國內人就好誇張,唔理乜嘢款都掃一餐,好多袋都冇貨添呀,我行左一陣就走喇,再去隔鄰的Gucci 排隊,都係等左一陣就入到去,其實我唔係咁鐘意Gucci ,佢d quality 麻麻地唔夠 LV 好,不過都睇啱左個書包型,用嚟袋我本 notebook 都幾好,結果就買左佢返屋企 hehe,等付款的時候,見到左右隔離全部都是講普通話的國內同胞,佢地真係好誇張架,響LV 掃完貨,再過嚟 Gucci 掃貨,買袋買到好似去街市買棵菜咁,完全好似唔使錢咁,又快又狠,我真係甘拜下風呀。買完袋又去左買衫,買左件今年最流行有帽同入面有毛毛嘅冷外套,仲買左一件 GORE-TEX 防風防水風褸,諗住下星期帶去廣州著 最後仲買左對三吋高跟鞋添,唔....今日須然用左好多錢,不過 shopping 真係好開心喎。

My New Bag, heheMy new shoe 螢光綠波鞋


Mandy9013 發表在 痞客邦 留言(0) 人氣()

 

寒冬已來臨,最唔想見到嘅事終於都要發生,大家要開始一齊瘦身lu。點解有d人仲係咁唔珍惜,樣樣都唔理,好似周圍發生緊嘅事都唔關佢地事咁,我唔相信您地可以置身事外囉,唔想俾人叮就醒醒定定喇,咁嘅時勢仲出錯率咁高,真係無人幫到您地架。


Mandy9013 發表在 痞客邦 留言(0) 人氣()

這個星期天氣好乾燥,攪到我又皮膚敏感,起晒紅點,好痕呀 抓到兩條手臂同小腿損晒喇!


Mandy9013 發表在 痞客邦 留言(0) 人氣()

今日好開心呀,一早同屋企人去左大嶼山+大澳一日遊,坐左個半鐘頭巴士先到大嶼山,落車時覺得都好凍下,好在我早有準備,知道新界比市區溫度要低些,穿了羽絨背心加外套(其實Grandma都係著冷衫咋),哈哈響我部傻瓜機下的天壇大佛都影得不錯,去完天壇大佛,我地又去左寶蓮寺,見到寶蓮寺入面有個大雄寶殿,令我即時諗起多啦A夢,hehe。中午在寶蓮寺內食午餐,d 豆腐花好滑呀,又不太甜,都幾好食。之後我地又出發去大澳,本來我對大澳冇乜嘢期望的,在我印象中它只不過是一個水鄉吧!去到後環顧四周,全都是擺買土產的店舖,不外是鹹魚、蝦膏、蝦醬和魷魚乾等等海味,果然沒啥特別!沿途不斷有船家在推銷遊船河,說有緣的話可以看到中華白海豚,本來我們也沒興趣的,而且這種天氣又怎會看到白海豚o丫,但既來之則安之,而且價錢又不貴,只是港幣20元一位,我們便姑且一試,上了快艇後,我和Grandma 坐在最後的位置上,沒精打采的四處看看那些建在水上的房屋,其實小學時的課本已介紹過這些房屋,我根本就提不起勁看,兜了一圈後當快艇駛離這些房屋出公海時,嘩!原來好戲在後頭,快艇即時以高速飛馳,我即時跑了去船頭坐,快艇不斷被浪拋起,我和其他人一直在尖叫,將心內的抑鬱通通都叫晒出來,須然我不暗水性,但也極愛這種乘風破浪的感覺,真係好好玩及不枉此行。回程時,我們選擇了坐車到梅窩碼頭再乘船回香港,一上車睡魔又作怪,即時又瞓左,一直瞓到落車,去到碼頭時踫巧有快船,只需半小時便回到香港,落船後去麥當奴買了個和風滋味蝦堡食,可能肚餓的關係,覺得好好味呀!食完再去 shopping 喎,結果又買左對 acupuncture 黑底螢光綠 logo 的波鞋,今次我冇貪靚唔買有水晶嘅波鞋喇! 

大澳....水上棚屋 大澳....水上棚屋 大澳....寂寞的雀:一 大澳....水天一色 大澳....水天一色 大澳....到此一遊 麥當奴和風滋味蝦堡....好好味


Mandy9013 發表在 痞客邦 留言(0) 人氣()

咦....琴日買果隻Mon,真係唔得架,個喇叭 d 聲好拆,完全聽唔到,結果今日又要拎去換,個老闆話而家 d Mon個喇叭係咁架喎,不過我對BENQ 呢個牌子已經冇晒信心,都係補左兩嚿換左隻20吋ACER Mon,越換越大隻,霸晒張枱 d 位嘩! 今日仲要係電腦節,成個黃金商場迫到插針都插唔入,又話金融海嘯,經濟唔好,都仲有咁多人買嘢,見到好多人都買 BENQ 隻 Mon,我嘅決定係咪錯呢?不過 BENQ 隻 Mon 真係幾多缺點,只有一個設定值,有 d 嘢佢都無法顯示到,ACER就冇呢個問題,下次都係唔好貪平,攪到拎嚟拎去鬼死咁辛苦,換完 Mon 順手買埋支 8GB 手指,然後去左食好出名的劉森記蝦子雲吞牛筋麵 ,果然名不虛傳,好好食不過好貴,佢 d 雲吞真係有以前細個爸爸帶我地去食過的味道,而家好難搵得到,果然長龍同貴得有道理!


Mandy9013 發表在 痞客邦 留言(0) 人氣()

1 2