目前日期文章:200901 (18)

瀏覽方式: 標題列表 簡短摘要

執緊行李,準備明早再出發,今次要再試遠程入面嘅 rightfax, preview fuction 同 hard phone,希望初七能開工大吉,一切順順利利喇!如果攪掂到這三樣嘢,就唔使再咁頻密上去 lu,但願如此啦!今日又大吃大喝左一天,又食 Pizza ,又食卡樂 B 薯片,又食卡樂 B 雜菜薯條,我發現無嘢開心得過開懷大嚼,如果唔係怕肥,日日咁食法都好開心下,不過放縱埋今日,聽日就要開始減肥,唔能夠再咁樣落去,目標減5磅,希望廣州回來能達標,hehe。

至尊厚批 最愛的至尊薄批


Mandy9013 發表在 痞客邦 留言(0) 人氣()

  • 這篇文章限定好友觀看
    若您是好友,登入後即可閱讀。

新年勁食同瞓左三日,好似養豬一樣,個身開始有 d 圓碌碌,我不要變豬扖呀,係時候要減肥喇!

無無聊聊又過左年 lu,不過都好,可以好好休息一下,日日都瞓到中午先起身,勁正喎。

新年期間只係睇左崖上的波兒,波兒好得意,好得意,好得意。。。。。。。。。

其實我好想睇赤壁 2 架,不過算喇,都係冇時間去睇架喇!

而且初七又要上廣州,都係放棄喇!

Mandy9013 發表在 痞客邦 留言(0) 人氣()

太多 plan, 太小時間, 全部都 urgent, 全部都無辦法可準時完成, 每樣做一 d, 結果樣樣都半桶水, 又豈是我所願.........有 d 厭倦, 是否仍然堅持下去呢? 如果唔堅持下去, 又點呢? 真係越發抑鬱喇


Mandy9013 發表在 痞客邦 留言(0) 人氣()

到底有誰能夠告訴我
要怎樣回到從前
有你在我身邊
拿生命換都情願
到底有誰能夠告訴我

Mandy9013 發表在 痞客邦 留言(0) 人氣()

嬲爆,仲要擺我上枱,點解喎

現在我才慢慢發現我的堅持

痛依然在我心裡還渾然不知


Mandy9013 發表在 痞客邦 留言(0) 人氣()

Reservation 橫掃左今年 annual dinner 的頒獎禮,人人都有份,我都有 hehe,(我中左港幣伍百大圓,cash is king haha) 大家過左一個氣氛熱鬧開開心心的晚上,Reservation 真係從來都未試過咁犀利架!算係今年一個好的開始。老闆仲話會發 2008年的 bonus 和 commission 俾全體能達標的同事,本來大家都預左冇架喇,而且響呢 d 時勢,呢個消息真係幾振奮人心, 當然亦有人歡喜有人愁喇,去年未達標的同事,今年要繼續努力喇!今日早左返公司,見未有人返嚟,同自己個位影左幾張相,我枱面有兩部電腦架,仲有 Hello Kitty mouse pad 同一隻小型 Hello Kitty 扭蛋機,重未公開過架。

我張枱面兩部電腦架 My Desk 我的其中一部電腦 My Desk

 


Mandy9013 發表在 痞客邦 留言(0) 人氣()

唔知做乜今日冇乜動力,好唔想郁,醒左都唔想起身,響張床糾纏左成個鐘,十二點幾先起身做埋 d report,個個禮拜都係做 report,好煩呀!突然想起 Sam Lee 的靠近,講得好啱,真係好似好似.........

靠近

走在人擠人的走道  我問了自己
沒有愛情的人是否會長命

Mandy9013 發表在 痞客邦 留言(0) 人氣()

今日一早開左兩個鐘會,超眼瞓呀^o^,晏畫俾電話系統 d 人激死,呢幾日都不停摧佢地 send 個 hard phone 去廣州 office 試,下午佢地終於送左一個上去俾我地試,點知佢地冇 send 埋 個 headset 過去,咁點試呀?係唔係咁蠢架,您地上過嚟咁多次,都見到我地全部人都係帶 headset 架喇,淨係 send 個電話過去,玩咩? 問佢點解冇 headset?仲要大大聲話您地都冇要求,真係想問下佢請你食飯要唔要餵埋你呀,要人叫先做,佢地究竟有冇服務意識架,唔使人講都知應該點做喇,我發覺佢地都完全唔會站在用家角度去諗, 又晒左一個星期時間,都未 settle 到,過多一個星期又過年喇,廣州 office 會放七日假,又要壓後兩個星期先再試得,我地係咪真係奈佢唔何呢 ? 仲要忍佢忍到幾時呀?我真係頂佢唔順,晏畫串到佢一棟都冇,以洩我心頭之恨。

今晚六點幾老闆話我個年結報告寫得幾好,咁都冇咁驚,其實我擔心左好幾日架喇,唔知點寫,又怕寫得唔好,而家終於可以放下心頭大石,起碼今年剛開始已順利過了第一關!今晚見到佢 reply 我個 e-mail時,都猶豫左成個鐘先敢開嚟睇,好驚佢話我內容不夠同講左好似冇講,睇完之後真係幾驚喜,不枉我攪盡腦汁諗左幾晚點寫。


Mandy9013 發表在 痞客邦 留言(0) 人氣()

今日要交年結報告喇,從來未做過,唔知點做 ? 唯有左抄 d 加右抄 d,勉強湊夠兩頁紙交,希望唔好咁難睇喇!今晚成七點九先 send e-mail 俾老闆,點知原來我係第一個交喎,佢地個個都未交架,我係咪緊張左 d 呢?其他部門都未交,我就煩左幾個禮拜,驚 deadline 日都交唔到,不過交完之後,真係輕鬆左好多,唔再咁愁!之後仲帶左廣州嚟 d 同事去搭天星小輪過海,同佢地行左一陣尖沙咀先返屋企,響海港城見到 d 人全部都係window shopping,間間店舖都係冇人架,幾恐佈下。    


Mandy9013 發表在 痞客邦 留言(0) 人氣()

明天就 deadline,還沒做好年結報告,不知怎算好?日日都勁多嘢做,完全都沒時間做,每天不是跟遠程系統周旋,就是同電話系統糾纏,一日未解決呢兩個大前提,都唔使旨意可以喘息!你地可唔可以唔好再玩我架,上海就用到,廣州就用唔到,呢 d 乜嘢道理嚟架?Technologically 嘅嘢我唔識架,我淨係知用唔用到架咋,解決唔到呢 d 問題,做咩培訓都係冇用,已經三個月喇,完全沒有生產力,進度較預期中要慢很多,我冇耐性再同您地糾纏,如果真係做唔到,唔該通知聲我,等我建議轉系統,費事再囉囉唆唆,又解決不了問題,盞浪費時間!


Mandy9013 發表在 痞客邦 留言(0) 人氣()

今日返屋企喇,好開心呀,一早已 plan 好返屋企要食薯片,hehe!Check-out 左之後,響酒店門口截的士去火車站,點知個的士司機由上車哦到落車,嫌路程太短,又隔幾條線放低我,唔係拖住個喼我都唔搭喇,你估我想架咩!今次火車冇誤點喇,差不多準時開,返到香港時覺得仲凍過響廣州,唔...........好攰呀,即刻跳上張床瞓,凍凍地勁好瞓呀,瞓到連飯都唔想食呀。

10Jan09 ~ My Buffet Breakfast @ Hotel 10Jan09 ~ 四度踏上回家之路 10Jan09 ~ T824 10:39


Mandy9013 發表在 痞客邦 留言(0) 人氣()

d 人真係唔鬧唔得架,昨天叫Admin 打給他們的高層投訴,今日幾好 service 呀,仲即刻試到一部電腦,可以調較到分開鈴聲和接聽時的聲浪,但其他電腦就唔得!即係咁,若然佢真係想幫你解決問題的話,總會有辦法的,遲遲都未能解決,係佢冇心同你做遮。晏晝Lunch 時,累到兩位同事俾佢呀頭喪鬧,真係非常唔好意思,佢呀頭好惡呀!好在佢呀頭都係 under 我 jet,hehe!廣州 d靜電好厲害呀,日日都電死咁滯,由起床一刻開始,掂乜都電到,點解咁勁架,掂下人都電到,佢地唔會架喎,會唔會係我電力十足呢?嘻嘻!09Jan09 ~ My Buffet Breakfast @ Hotel 09Jan09 ~ My Buffet Breakfast @ Hotel


Mandy9013 發表在 痞客邦 留言(0) 人氣()

Westin d 早餐好掂呀,嚟咁多次,最好食係佢,選擇又多,不過始終都逃不出那些腸仔的魔掌, 點解間間酒店都係食呢 d 腸仔架,連上海 d店都係,完全一模一樣,見到都驚呀! 今晚我決定拒絕再應酬,再咁食落去,好快就變豬架喇!今日系統都 ok 用到,不過 I Phone 就有問題,接聽來電好細聲呀,有 d 線接左入嚟又聽唔到對方講嘢,攪乜呢?即刻打電話俾電話公司叫人嚟檢查 ,下午佢地覆我因為將鈴聲調細了,所以接聽亦同時細聲了,我只可二選一,唔係掛?如果調到聽到來電的聲浪,鈴聲便大到損害聽覺,不可能這樣的吧!我相信不到一星期所有同事都會聾掉,都不用來上班了,可以去拿傷殘津貼了!我再打電話給電話公司據理力爭,堅決要他儘快解決此問題,但果條軟皮蛇丫,淨係拖字訣,完全無誠意去解決問題,不停帶我遊花園,我急佢唔急,都費事再同佢糾纏落去,收線之後即刻打電話回香港通知 Admin 打給他老闆投訴,其實我唔想咁做架,係佢自己攞嚟架咋,哼!

08Jan09 ~ My Buffet Breakfast @ Hotel 08Jan09 ~ My Buffet Breakfast @ Hotel 08Jan09 ~ Dinner@大頭蝦 08Jan09 ~ Dinner@大頭蝦


Mandy9013 發表在 痞客邦 留言(0) 人氣()

今日要轉酒店呀,要搬去Guangzhou The Westin Hotel,一早就係 The Garden Hotel check-out,帶埋件行李返 Office,Dora 今晚走喇,唔使再同人 share room喇,可以獨霸大床 lu, hehe。今天終於可以上到系統及 I Phone,須然都係好 Hang,不過起碼都上到先丫。佢地今晚又約左 The Garden Hotel Dinner,所以中午時帶件行李返酒店 Check-in先,跟著 Lunch 去左公司樓下食氣鍋雞,超平又好食,佢計人數收費的,每人十二蚊咋,好好食呀。放工又返去 Garden Hotel 食飯,早知今朝就唔帶件行李走喇,攪到我拎嚟拎去。佢地 d Buffet Dinner 都唔錯,超厚的三文魚魚生,又有我最愛的壽司和燒龍蝦仔,仲有蛋糕同雪糕,有香港的水準,我食左好多蛋糕呀,今次實肥幾磅喇!又係攪到成十點先走,好攰呀!

07Jan09 ~ Buffet Dinner @ Guangzhou The Garden Hotel 07Jan09 ~ Buffet Dinner @ Guangzhou The Garden Hotel 07Jan09 ~ Buffet Dinner @ Guangzhou The Garden Hotel Guangzhou The Westin Hotel@Room 1805 Guangzhou The Westin Hotel@Room 1805 Guangzhou The Westin Hotel@Room 1805 Guangzhou The Westin Hotel@Room 1805 Guangzhou The Westin Hotel@Room 1805 Guangzhou The Westin Hotel@Room 1805


Mandy9013 發表在 痞客邦 留言(0) 人氣()

我都話唔鐘意同人同房架啦,為左唔想同人爭厠所,自己又提早半個鐘起身先,攪掂晒又要等埋佢,盞攪!好在佢住一晚就走,嘻嘻!今次間酒店離公司都幾遠同怕塞車,我們七點四十五分就打的回公司,返到去才八點鐘,可以準備一下今天的工作,咦....都是連接不上系統及 I Phone嘅?咁早香港果邊又未有人,求救無門,唉.....真係冇晒心機,差不多九時才聯絡到香港的 I.T.,佢話佢地同我地一樣都用不到呀,繼續與世隔絕,不過今天跟昨天有點不同,九時過後,很多客戶打我的手機及在 msn 問點解打不到我們公司的電話,原來香港那邊的電源出了問題,導致大家都上不了公司系統及登入不了電話系統,好在香港那邊個多小時後已回復正常,我的手機才可靜下來,但是我們這邊仍然用不了,只好安排他們做其他培訓,直到接近下班時,我們才可連上系統,財務也做不了系統培訓,令到Dora 又要留多一晚呀!他們今晚又約了另一家酒店晚餐,逗留到十時多才回酒店,唔使講我都係讓佢喇,又攪到我一點多才睡,我唔要同人 share room 呀。

06Jan09 ~ My Buffet Breakfast@Hotel 06Jan09 ~ My Buffet Breakfast@Hotel 06Jan09 ~ My Lunch 油菜 06Jan09 ~ My Lunch 06Jan09 ~ My Lunch 氣煱雞


Mandy9013 發表在 痞客邦 留言(0) 人氣()

又要出發喇,一早心事重重上路,到火車站時沒有看燈號,差點給車撞到.........約了財務 Dora 七時半在閘口等,她又遲到,等了十五分鐘都不見她,打電話給她又轉了去留言信箱!七時五十分時她打給我說剛到火車站,馬上過來,又等了十分鐘都不見她,怎麼攪的?她再來電說入了閘及已過了海關,找不到我喎???嘩!呀姐呀,妳約我在閘口等,我還在閘口等妳,入面當然找不到我喇!佢話在閘口看不到我以為我已入閘喎,我夠以為妳唔嚟喇,去廣州得一個閘口,我就企正入閘的地方,咁都睇我唔到,我冇嘢講喇!我真係未試過咁遲入閘架,都係喜歡一個人獨來獨往,不用左等右等,最怕d人成日遲到,一d時間觀念都無,討厭死。去到廣州辦事處,整天連接不了公司的系統,連 I Phone 都連不上,對外隔絕,好像去了荒島,簡直係混吉架,完全做不了Planning內的嘢, 浪費了一天的時間。晚上約了Grand Hyatt晚餐,直吃到差不多十時才離開回酒店,今天跟Dora share room,我不想帶麻煩給人,只好犧牲自己去遷就她,什麼都讓她先,結果攪到很晚才睡, 其實我寧願一個人也不喜歡跟人同房。

Guangzhou The Garden Hotel Guangzhou The Garden Hotel Guangzhou The Garden Hotel Guangzhou The Garden Hotel Guangzhou The Garden Hotel 05Jan09 ~ My Lunch Box 辡子雞丁飯 05Jan09 ~ My Dinner @ Guangzhou Grand Hyatt Hotel

 


Mandy9013 發表在 痞客邦 留言(0) 人氣()

今日係2009年第一日,鬧鐘響時,幾唔想起身呀,因為實在太凍,好想好想冬眠,hehe!唔想還唔想,始終都係要起身,嘩!d 水凍到呢,簡直係攞命呀。落到街等車時 d 風吹到呼呼聲,冷得發抖,點解係我 on duty 架?真想走返屋企再瞓過!好在今日都冇乜嘢特別難攪嘅 case,一齊都順順利利,作為第一日都算係一個好嘅開始,今日唔太忙,又靜靜地,真係做 report嘅好時機,下午仲可以有時間做埋 Dec 07 vs 08 Monthly Telephone Comparison Report,最衰昨天唔記得叫 Sales print Dec 07 vs 08 Hotel Detail report 俾我,如果唔係今日可以完成埋添呀!而家唯有等聽日 Sales 番嚟 print先有得做喇。其實公眾假期 on duty 都幾好架,六點鐘又可以準時收工,返到屋企都係七點四咋,平時真係唔使旨意可以六點鐘就走呀。食完飯,一路睇電視一路食薯片,昨日買左隻新口味:章魚小丸子咪薯片,我覺得麻麻地 jet,唔係太好食,都係卡樂 b 同珍珍好食 d。 


Mandy9013 發表在 痞客邦 留言(0) 人氣()