目前日期文章:200904 (7)

瀏覽方式: 標題列表 簡短摘要

Dad今日終於都出得院喇, 足足一個多月, 真惱人!!!究竟咩病,點解住左咁耐醫院, 我真係唔係好知道?  咁耐以嚟, 只係見過個醫生一次咁多, 今早仲要係返緊工, 醫院無端端打電話嚟話出得院喇, 搵人嚟接佢喇! how come??? 好在哥哥今日放假, 唔係臨急臨忙去邊度搵人接佢出院, 而家d醫院真係好奇怪, 要人留左咁耐院, 又唔話你知乜事, 失驚無神又話出得院, 係唔係都應該同人交待聲呢? 醫生好忙我都知, 但我地都唔見得得閒o者, 喂! 又唔係唔使錢, 出院都要埋單o架, 乜都唔話俾人知, 都唔知佢地做乜架!!!


Mandy9013 發表在 痞客邦 留言(0) 人氣()

欲加之罪何患無詞, 成日都蝦我不喜解釋, 明明都唔關我事, 又變左關我事, 結果什麼都是我的錯, 我相信會有一個期限的, 期限到了就..........


Mandy9013 發表在 痞客邦 留言(0) 人氣()

之前真係太瘦喇, 居然得番98磅, 經過兩星期的努力,終於增肥成功, 重左六磅, 多得日日食薯片, 又食雪糕同 pizza, 而家啱啱好, 不過要保持住唔好再肥先得.


Mandy9013 發表在 痞客邦 留言(0) 人氣()

做乜蝦我喎?妳唔做咪出聲囉,應承左人, 拖左我兩個禮拜先叫我自已做, 我做到就唔使等妳喇, 冇人有妳咁衰架!妳咁黑心,因住有報應呀!


Mandy9013 發表在 痞客邦 留言(0) 人氣()

今日大厦維修中央冷氣,全日都冇冷氣,嘩!熱到標晒汗,又焗,次次都係我中,成日到我返公眾假期呢,就唔係冇冷氣就厠所冇電,一係就冇水,梗係要有一樣嘢冇架喎,仲有呀點解咁忙架,10:00-18:00完全無停過,想做死人咩!d 人都癲癲地架,呢頭做完,confirm 左俾佢,轉頭又取消,取消左之後,隔一陣打嚟又話要做番,大佬呀 public holiday得兩丁友 on duty 架咋,咪鬼咁玩嘢先得架!不過好在晏晝有人送外賣,黑椒牛丸米加百力滋DSC00129.jpg,一路食一路聽電話,結果食左成個鐘先食完碗米粉,咁都好過冇得食嘅。

  


Mandy9013 發表在 痞客邦 留言(0) 人氣()

爸爸入左院成二十九日喇,到而家都未出得院,都唔知D醫生攪乜架?又唔話俾人知佢乜病,又唔準佢落地,成日要佢瞓響張床度,究竟想點架!攪到一家人都疲於奔命,真係好煩!


Mandy9013 發表在 痞客邦 留言(0) 人氣()

呢兩日個電話響到冇停過, 究竟係咪壞左呢?


Mandy9013 發表在 痞客邦 留言(0) 人氣()