我唔知點解會咁, 突然間360度轉變, 冇理由會咁, 其實係擔心多D, 好想快D知道點解, 有冇人可以話俾我知發生左咩事呀?
目前分類:未分類文章 (233)
- Sep 29 Sat 2012 23:16
突然間360度轉變
- Jul 25 Sun 2010 00:57
奇怪的人很多
呢個世界上奇怪的人真是很多, 有事的時候就什麼都關你事, 天下太平時就閒人一個, 完全不去分辨對與錯, 有時真的不知應該如何去理解. 有朋友說尤其是好心無好報, 千萬不要做好人, 否則只有苦了自己, 又真係好似好啱, 暗中幫了人不望圖報, 還慘遭毒手, 局外人又豈會明白.
- Aug 06 Thu 2009 23:39
*.* Guangzhou Trip VII ~ Day Three
約左酒店個 Sales Manager 08:30 響 Lobby 見面,點知佢遲到喎,去到 Lobby 我通知前台幫我打電話比佢,佢原來 on the way 返緊嚟,話落雨好塞車囉!我真係好奇怪,堂堂五星級大酒店的Sales Manager 見客居然可以遲到,上次I.T.World個DOS又係咁,果次等等下我都唔理佢,同前台講check-out 唔等佢喇,一早話左妳知我要返工架喇,鬼叫妳遲到呀!今次同埋個同事一齊,勉為其難等下佢喇,結果等到佢成九點三先出現,嗱嗱臨傾左十五分鐘就閃喇,個同事仲響度喋喋不休,我話差唔多喇我地要返工喇,最憎人遲到,我真係有嘢做架,妳攪到我個 plan 要為左妳要順延好唔好意思呀! 返到公司都差唔多十點,無端端小左一個鐘頭,上午即刻同兩個同事考試先,好好彩兩個都可以 pass,慳番唔小時間.中午同佢地出去食 Lunch 時落好大雨呀,一出到街已經成腳濕晒,去到炳勝連條群都濕埋(已經濕到上大脾),好在我著群 jet,如果著褲就慘喇,有排都唔乾得呀!去到酒樓幾鬼涷呀,即刻去厠所抺乾隻腳先,唉!但係對意大利皮鞋已經泡左湯,浸完水鬆到甩喇(其實我對對高踭鞋都會買大半號,唔係著足一日隻腳會好痛,尤其出街見客仲慘)!下午都係做d monitor 嘅工作,個個都話我好旺,一坐埋去即刻有生意,又真係喎,我埋親邊個身邊,就即刻有 new booking,佢地個個爭住叫我坐佢地隔離,哈哈!夜晚去左間好地痞嘅酒樓食飯,落的士時好在佢地等司機找錢咋,我見到我支 memory stick 跌左響我坐個位度,嘩!即刻開門撲過去執番,簡直嚇死我,支 memory stick 入面有好多公司資料同呢次出 trip 嘅 report,跌左就慘喇,要由頭做過!呢間嘢真係好地痞,幾層都坐滿人,冇侍應得閒理我地,叫我地自己搵位,等左一陣驚惶甫定之下坐低,即刻叫嘢食,上菜好快,基本上d嘢係好食嘅,尤其係隻雞同魚皮,我見枱枱都有叫呢兩樣餸架.搭的士返酒店時我響度諗,點解支 memory stick 會跌到出嚟嘅?呢個 Gucci 即係唔多掂,好冇安全感,睇嚟返去要買過個袋裝部 notebook先得喇!
- Aug 05 Wed 2009 23:39
*.* Guangzhou Trip VII ~ Day Two
今早約左PCCW去佢地個廣州個center參觀,佢地好好人又熱情呀,問佢乜都肯講,究竟佢地知唔知乜嘢係商業秘密架?我真係有d擔心第日人地問佢,佢都講晒比人知我地公司d要求,哈哈!糾纏左一個上午,準備離開時,突然間橫風橫雨,有遮都冇用,恐怕一出去就會全身濕晒,我地都係決定唔走住,食埋 Lunch 再睇定d先算!去左同大厦入面一間叫港式咖啡館食飯,好細間,得五六張枱,但環境唔錯,居高臨下一路望住雨景食 Lunch,幾好 feel ,不過就真係港式價錢,以廣州嘅生活指數來講,算係高消費,所以 Lunch Time 都坐唔滿.問侍應生食乜最快,佢話食 set lunch 喇,好!就叫呢個C餐,黑椒牛仔骨跟飯,但我唔想食飯,問佢可唔可以改意粉或薯菜,佢話唔得架喎,要整過好麻煩同要等好耐喎,哎呀!乜咁死蠢架,A餐咪就係跟意粉囉,邊使整過架,唉!講極都唔明,都係算把喇,怕左佢呀.哈!睇唔出件黑椒牛仔骨又幾好食喎,係港式味道,人民幣二十八蚊連涷飲,食得過!我同事就叫左個唔知咩雜菌炒飯再加涷飲,炒飯都好好食,夠乾身又唔多油,不過就真係好耐同埋貴d,佢加埋涷飲要成人民幣五十八蚊,仲要我食飽佢都未有得食.食完 Lunch就離開返公司做嘢,好在細雨左好多,上左的士都係隻鞋濕左小小.下晝響公司都好忙,好多嘢要 discuss同決定,攪到好夜先收工
- Aug 04 Tue 2009 23:39
*.* Guangzhou Trip VII ~ Day One
今早又出發去廣州,仲要帶住個呀嬸一齊去,行到邊跟到邊,連厠所都跟埋去,真係吹漲!唉!攪到冇乜 mood影相,一張美食嘅相都冇影到!冇去一個月遮,點解我食開嘅舖頭執晒笠架,最愛嘅絕味川香都執埋,大聖又執左,好多都執晒 >.< 真係冇癮之極!
今次又住番Guangzhou The Westin Hotel<Executive Deluxe Room> 廣州天譽威斯汀酒店行政豪華房
- Jul 01 Wed 2009 23:49
*.* 好味店長推介
好熱呀今日,32度,人人7.1上街去遊行,我卻在家扮豬! >.<
一落街,熱浪迫人,真係邊度都唔想去!
十點幾起身食左個公仔麵,又走番上床瞓!
究竟有冇人好似我咁鐘意瞓教架?
瞓到兩點幾先再起身,出去買壽司食,真係熱到熔!
- Jun 20 Sat 2009 23:39
*.* 唉!真係好討厭
- 這篇文章限定好友觀看。
若您是好友,登入後即可閱讀。
- Jun 05 Fri 2009 23:59
*.* 今晚突然諗起呢首歌
- Jun 04 Thu 2009 23:59
*.* 回憶正超速滑行 閃已來不及
幾時識Ada嘅呢?佢應該係遲我幾個月入去做嘅!我記得第一次見佢係響中環 Branch,我 day day 都返中環,佢就耐唔耐先返一次中環,果陣中環 Branch係最旺架,收客最多,日日都迫滿人,連收工落閘d人都要入嚟報名! day day 都做到過晒鐘都唔走得.有一日有個新丁嚟返工,咦!靚女喎,第一個眼神接觸已經有好感,當時我地嘅 Branch Manager 係個幾醜樣嘅女人,不過佢教識我好多嘢,算係半個師傅,我響總行上完幾堂 Training Course 後,就調左去中環跟佢,初初返工時,佢就用地獄式訓練,要我背熟晒所有行程,嘩!當時真係覺得佢幾變態架,不過鬼叫我乜都唔識咩,佢咁講我咪咁做囉,不過佢呢招真係幾有效,將我訓練成 Top Sales,成為全公司收客最多的 Counter Sales,十個客入嚟,十個都報左名先離開,簡直係通殺,好快全個Operation d 人都知道有我呢個人存在,不過就未同佢地見過面.有時諗諗下,都好多謝花姐,係佢令我日後條路好行好多!但係唔知點解佢就好憎Ada 同Winnie,Ada返親中環佢都針對住佢,有一次仲俾我聽到佢打番總行篤Ada背脊,講真當時我地都係細路女,剛剛出嚟做嘢,又乜都唔識,對佢都冇咩威脅遮,又無踩親佢條尾,做乜要咁對Ada喎?真係諗極都諗唔明.不過Winnie佢就攪唔到,因為佢係返總行,未返過中環,而且總行d呀姐好錫佢,後台強勁,佢都冇位入Winnie.Ada就慘啦!冇神功護體,只得任人魚肉,成日要返唔同嘅Branch,俾唔同Branch嘅Manager 篤,成日坐響Counter 喊,呢d嘢不時傳到我耳中,我更加覺得佢慘,周不時打電話去Branch同佢傾計,氹下佢開心,放工又約佢一齊出嚟玩,慢慢就建立左友誼,之後我地成為公司三小花,如果大家都響香港去邊都有影皆三,如果其中一個俾人蝦,另外兩個就會幫拖,冇人再敢蝦我地三個,引來不小人妒忌我地情同姊妹,尤其是果個衰人Brenda,成日扮晒 cool 西面,又以為自己好靚,係,我地未嚟做果陣就係,佢見親我地三個都o貌晒,我真係未同佢講過一句嘢,好衰唔衰我有個 friend 想溝佢,成日同我打探佢d嘢,攪到佢仲得戚,最好笑係原本響公司溝開佢果個靚仔,有一次同我響荃灣一齊做 promoter 後,就轉軚溝我,雖然佢好高大威猛又靚仔,不過唔係我杯茶,我對佢冇乜興趣,激死條八婆!哈哈哈哈哈
- May 29 Fri 2009 23:59
*.* 果日凍到落雹呀
第二朝起身,兩條腿痛到呢....好在第三日係 city tour,都係去下d廟呀,遊下公園咁,主要都係響地面活動,不過兩隻腳真係好痛.
第四日起身執埋行理,中午度就閃 lu,呢日起身後發覺好凍呀,有冷鋒到襲,響酒店 check-out後上車時,見到一粒粒好似波子咁大粒嘅冰雹從天而降,嘩!我第一次見冰雹架咋,打到個車頂嘭嘭聲,個個都好好奇,擠晒響窗口睇冰雹,連個Gudie都話好多年未試過落雹.咁落得雹即係代表住氣溫突然急降喇!跌到得2-3度,個個都帶唔夠衫,凍到縮下縮下,去到景點都唔願落車,我記得當時著左件入面有毛毛嘅連帽外套,再加對冷手襪,就係咁多咋,我又超怕凍,幾辛苦先捱到食完午餐,去火車站走人 lu,上左車後唔見Winnie呀,一個人百無聊賴,d團友又撩我吹水,我都冇乜心機同佢地吹,有一句冇一句咁應酬下佢地,佢地又鬼死咁熱情,仲話要同我映合照,呢個影完又到果個,折磨左五個鐘之後終於到廣州喇!跟住又要轉火車去深圳,廣州去深圳又要坐兩鐘,響廣州去深圳呢段車程,我俾人整蠱呀!架車有餐車買小食,有條茂利人地賣果陣唔買,等架餐車走左先問我餐卡響第幾卡,佢要買汽水喎,聽講話我都係第一次搭呢d火車喎,又點知個餐卡響邊呢?咁點呀!咪唯有去幫佢搵囉!行左好多卡都唔見喎,不過見到曾經響山上面問過果個第二間公司嘅領隊,乘機問下佢知唔知喇,費事再周圍搵,嘩!佢幾抵死呀,首先問我係邊間公司,然後話佢之前都係響我間公司做,啱啱過年前先冇做,要我叫佢師兄先話俾我知餐卡響邊,叫完佢之後佢話餐車咪響妳後面囉,真係瘀爆,嗱嗱臨買完就鬆人番自己個卡.去到深圳時都已經差不多十點,即刻飛奔過關去搭火車返歸,過關時又見到呀師兄,使唔使撞到咁多次呀?再響深圳搭火車去紅磡,又用左45分鐘,成十一點終於結束我第一次帶團的經歷,d團友真係抵,早去晚返玩足四日先完團,難為我差不多成十二點先返到屋企呀.就係呢次,我就識左Winnie喇!
- May 28 Thu 2009 23:59
*.* 出路遇貴人
就係今次旅程,奠下左日後我唔鐘意同人 share room.
好在得果個 family,我先唔使咁慘,夜黝黝仲要唔知道去邊度搵地方瞓咋,佢地好到呢,因為兩大兩小,有兩間房,俾我響佢地個女間房加張床瞓,咁人地係客,梗係要讓人地用厠所先喇,結果果晚攪到成兩點幾先有得瞓,第二朝又晨咁早起身 morning call d 團友,師傅教落,一定要早過酒店個morning call叫佢地起身,HeHe.
食完早餐,向住我最憎嘅丹霞山出發(去完之後就最憎),點解咁憎,因為....
咦!去到山腳又撞到Winnie,佢條友仔話唔舒服,唔上山喎.頂!早知我都唔上喇.不過果次係我第一次出團,都要上架喇!咁我跟住個Guide行,佢話山上面有d分叉路,由佢行頭我行尾, 包抄住d團友唔好俾佢地走散,如果唔係走散左就好難搵架喇,初初都好順利架,行到去山腰時,我發現唔見咁兩個,嘩!唔係喇啵!搵d咁嘅嘢嚟玩?同個Guide商量完後,佢繼續帶其他人上山頂,我就沿路番落去搵個兩個,然後再上山頂會合佢地.果兩條友都唔知貢左去邊,搵左好耐都唔見,沿路搵時又撞到其他公司d領隊(其中一個係Cross呀),唯有硬住頭皮問佢地有冇見過我果兩隻客,佢地個個都話冇見過,點解會咁架???你兩條友去左邊呀大佬!搵極都搵唔到,最後只好沿路返番上山,行行下見到果兩條茂利響條分叉路行出嚟,即刻埋去遞捕佢兩個,原來佢地話見有間廟,走左去拜佛喎,你地就過癮喇,累到我周圍咁搵你.
上左三份之二嘅山路後,去到一個要打側身僅僅夠一個人穿過嘅通道,過左去之後,嘿!好戲在後頭,見到一條好窄兼成九十度角斜嘅石級,當拾級而上時兩旁只有條鐵做嘅扶手,都有成二三百級石級,重要上?唔好啦掛?d團友話都嚟到呢度咯,梗係要上喇,天呀!點解我上左嚟架?佢地個個叫我一齊上去,我又唔衰得,咪同佢地一齊上囉,上到去望住 下面條河同對面山d風景,佢地個個都話好靚好值得上嚟喎,而我就只有一個感覺,就係想喊!做乜第一次帶團就俾團咁難啃嘅我喎!都係Winnie醒,咋死唔上嚟!
- May 27 Wed 2009 23:59
*.* 舊時點滴
第一次見Winnie,響火車上,果日係年三十晚,我第一次帶團去韶關丹霞山,好驚,重來未試過,一個人帶住二十九大二小出發,去一個未去過的地方,而且路途轉折,雖然事前已攞晒料,都係好驚,首先在紅磡乘火車去深圳,響深圳火車站午膳,期間要去搵中轉取深圳至廣州嘅火車票,餐後再搭火車去廣州,去到廣州又要停三個鐘,再去流花賓館搵中轉取廣州至韶關嘅火車票,沿途都係一個人,又要take care d團友,直到上左去韶關嘅火車,安頓好d團友後,又要再坐五個鐘火車,點解有人去d咁嘅地方玩架 ?坐火車都要坐一日,又要睇住幾時落車喎,就覺得好慘,坐左大概三個鐘頭之後,去厠所時撞到同公司的Winnie,雖然之前未見過佢,不過大家都好好傾,一路吹水吹到落車先分手,我地住唔同嘅酒店呀,到站時仲驚,成個火車站都黑黝黝,點解冇街燈嘅,條路又爛喎,已經唔識路,仲要攪d咁嘅嘢,心諗唔好玩我喇,唯有跟住d人群一齊行,希望前面d人唔好行錯路呀,唔係就大鑊架喇,俾d團友知道我唔識路,嚟緊幾日實俾人恰死,好在最後都冇行錯路,出左火車站後終於見到個Guide喇!心總算定下來,點知去到酒店,因為旺季唔夠房間,只夠安頓好晒d團友,剩低我一個冇地方瞓!嘩,幾想喊呀!折騰左成日,都差不多十二點,個Guide話叫我夾埋其他公司d領隊去第二度瞓!去邊喎,又唔識路!好在有一個family兩大兩小見我冇地方瞓,問我介唔介意去佢間房加張床一齊瞓,梗係唔介意喇,即刻仆到去添呀!哈哈
待續....
- May 26 Tue 2009 23:59
*.* 徹夜難眠
真係好懷念以前我地三個一齊的日子,雖然當時大家都返唔同嘅 Branch,不過我地會打電話用三人會議亙通消息,有時Ada會同我一齊返中環 Branch,Winnie就慘d冇乜機會一齊返同一間Branch,我地一齊返時真係好開心,如果蒲完通頂會輪流喱響枱底瞓教,放工後再去蒲過,哈哈。見番佢地之後,腦海中不斷閃過以前的片段,又想起以前一齊玩的同伴,其實有幾個都失去左聯絡,成晚都瞓得唔好,輾轉反側,瞓到五點幾就醒左,唔知有冇機會搵得番佢地呢?真係好想再見番,大家出嚟一齊聚下舊。
- May 25 Mon 2009 23:59
*.* Great memory with 兒時玩伴
期待已久的約會,心早已飛了出去,整日都無心戀戰,只希望可快些下班,趕往見兩個兒時玩伴 : Ada & Winnie
天整日都下著纏綿細雨,灰朦朦一片,望著掉下來的雨點,往事又一幕一幕重現,昔日三位一體,一齊蒲一齊癲的日子,到後來跟Winnie失散了
時間一分一秒過去,六時十五分還在呀姐房間訓話,望住佢其實靈魂早已出走,六點二十分終於講完喇,即刻雞咁腳走人
去到地鐵站,越急越出事,前面個男人張八達通失靈,我又心急入閘,結果佢用左我張八達通入左閘,我入唔到,即刻叫住佢,佢去完票務處返嚟同我講佢係嘟佢果張咭,叫我再嘟,但都係唔得,又再叫番佢轉頭,佢再去票務處攪,仲走埋嚟攞埋我張八達通去票務處,佢返嚟比番張咭我之後就掉頭走,我再試都係唔得,三度叫佢返轉頭,呢個時候佢埋面已經紅晒,瘀到不得了,之後佢再去問票務處,然後叫我去票務處隔離行特別通道入閘,入左閘之後佢唔知響度講乜,我已一支箭衝落自動電梯趕赴會,唔埋得佢咁多,阻住晒
去到約會地點,佢兩個已經到左,大家重逢,真係好開心,講番以前的事,將以前的片段再重組,邊個曾經恰過我地,又邊個曾經撐過我地三個,原來大家都一齊經歷過最開心的日子,一傾傾左四個鐘,最後還拍照留念,臨走時都依依不捨,相約下一次的約會.
- May 13 Wed 2009 23:59
*.* 緣份的牽引
今日 d Ms HK 又玩嘢,將 last Saturday嘅 agreement 推翻晒,okay fine,想玩嘢我陪妳地玩,睇下邊個蝕章囉!佢地真係低低地架,以為我唔出聲就好恰,我會用事實來證明一切!老實講我真係幾嬲架,已經咁多嘢做,仲要添d麻煩俾我,非常之唔高興六點半到就走左.響公司樓下搭巴士返屋企,上車後見到個人好似識嘅,但又唔 sure,過左一陣大家都發現是失散左好耐的兒時玩伴,自從佢去左外國讀書之後,我地就失散左,今日居然在巴士上遇到,我倆都話係緣份的牽引大家都別來無恙,不過佢話Auntie同佢哥哥都走左喇,仲要係九個月內的事,首先係佢哥哥突然出事,然後Auntie傷心過度亦都在同年走埋,我聽到都好震驚下,可愛的 Auntie 居然離開了六年,當年我同 Ada 常常去佢屋企玩,Auntie 見到我地好開心,佢知道個女同我地一齊玩,佢好放心知道佢無學壞,因為 Auntie 常常襯 Winnie 行開左就同我地講佢唔喜歡佢其他d朋友,個個都古靈精怪冇個正經,佢最鐘意見到我同Ada上去.佢而家一個人住響荃灣,呢份工都做左好耐,一身打扮亦好樸素,同以前相比一身名牌,出入都搭的士,好似洗淨鉛華咁!究竟係咩令佢有咁大轉變呢?相認之後我地話搵晚約埋Ada一齊出嚟聚舊,好期待這天來臨.
- May 08 Fri 2009 23:59
*.* 08May09 Guangzhou Trip VI ~ Day Four
嘩!今朝起身幾鬼肚餓呀,我諗住起身先,費事同佢地爭厠所,點知刷完牙出嚟,呀June問我幾點,我話7點囉,佢話我痴線做乜咁早起身,我叫佢唔好理我喇妳繼續瞓喇,今朝要 check-out 喇嘛,梳洗完就要執行李,今晚我同Sandy返香港喇,我攪掂就叫Sandy起身,結果連June都起埋身?問佢做乜唔瞓,佢話瞓唔到喎,佢話佢好醒瞓,小小聲音都會醒,咁鬼渣架,我同Sandy都係去到邊瞓到邊嘅人,佢條友仔返九點半,有得瞓都唔瞓,難為我同Sandy返九點,想瞓多陣都唔得!Sandy隻死嘢吼佢去左刷牙,響個喼度拎返佢個袋出嚟放番響枱面,佢出嚟見到,係咁鬧我地兩個係賊收埋佢個袋,攪到佢琴晚走唔到,我地又唔認話佢琴晚飲醉酒,根本佢個袋成晚都響枱面,結果又笑到停唔到,玩八點半就落去check-out 返工喇,check-out 果陣我瞓左響Lobby張梳化度,等佢兩個攪,Sandy問我要唔要發票,要定喇,佢叫我埋Counter寫個名俾人開發票,我話check-in果陣入會佢咪有我名囉,Sandy話妳果日寫英文架小姐,人地唔識寫呀,係都要我過去寫 check-out完就行番公司,已經鬼死咁眼瞓,又要拖住個喼,條路又爛,行得好辛苦,行到一半真係想搭的士!好不容易才去到公司樓下買早餐,佢地一個食粥,一個食米線,我依然食番餃子,今日買左二十隻返公司食,一唔夠瞓我就會食好多嘢補充體力,唔係有排先捱到收工呀!今朝同最後一個考埋試,大功告成,之後同Karl去左睇新酒店,嘩!間酒店好遠呀,佢地派車來接我地都搭左45分鐘先到,響科學園入面,地方好大又靚,採用玻璃幕牆透視天然光(結果係咁猛太陽周圍都好熱囉),d房間就裝修到好似Westin咁嘅風格,問題係遠左d囉!晏晝響酒店食Buffet,水準不俗,不過我真係好眼瞓,食左小小三文魚生同飲左個冬蔭公湯加一件綠茶cake就食唔落喇!之後酒店又派車送我地走,返到公司都差不多三點,然後去睇下佢地做嘢,到左5點就同Sandy一齊走去火車站,公司樓下真係好難截的士,又話金融海嘯,日光日白都咁多人搭的士,等到成五點半先上到車,去到火車站買完車票,見仲有時間就去買嘢飲,唔知點解地下間間Shop d涷飲都唔凍嘅,好在堅持唔凍唔買,上到二樓又有間Shop,終於俾我買到支凍檸茶.上左車之後即刻同Sandy扮豬,勁好瞓呀,哈哈!去到羅湖時,最衰俾個電話嘈鬼醒我地,我個響完,又到Sandy個響,d人真係好討厭,收左工仲要打嚟擾人清夢,哼!返到屋企都九點幾喇,諗起聽日仲要返工真係灰晒,食左飯沖完涼就跳左上床繼續瞓 lu!
- May 07 Thu 2009 23:59
*.* 07May09 Guangzhou Trip VI ~ Day Three
今日都好忙呀,要同四個 trainee 考試,上午兩個,下午兩個,咁就考左一日,都冇乜時間同佢地 briefing,晏晝我地三個又去返仙跡岩食 Lunch,邊食邊吹水,勁好笑,食到過晒鐘都唔知,遲左成二十分鐘先返上去!hehe!夜晚同廣州d同事響廚意食飯,一邊食一邊玩鬥地主,玩左成晚,玩到人地關門先走,走果陣都十點幾喇, June仲陪我返酒店,Sandy 又未番嚟,我見佢又有d酒意,叫左佢上去睡陣先,點知就好玩囉,Sandy 返嚟見到 June響度,出去再買啤酒返嚟同佢飲過,其實佢返嚟之前都飲左好多,已經醉醉地,兩條友響房度玩到癲晒,成晚響度講爛gag引我笑,跟住收埋左June對鞋,然後又收埋佢個袋落個喼度,等佢走唔到,勁好笑,玩到三點幾都未瞓,佢兩個真係痴線架,成晚都不停講嘢響度笑,又話我呃佢,明明話俾張床佢一個人瞓,係Sandy係都要攪住佢,佢去邊張床,Sandy又跟住去邊張床,兩個走嚟走去,笑到大家都冇得瞓,又笑到成身汗,早知唔叫佢上嚟喇,攪到第二日三隻熊貓一齊返工,辛苦都死.
- May 06 Wed 2009 23:49
*.* 06May09 Guangzhou Trip VI ~ Day Two
琴晚應承左幫呀June買埋早餐,一早去左公司樓下買餃子食,人民幣三蚊有十隻,買左二十隻,同呀June一人十隻,跟住見到有油炸鬼買,又即刻買左一條同佢 share,都係人民幣一蚊咋,今天我的早餐盛惠人民幣四蚊,雖然很便宜,但我吃得津津有味,不過呀June就話麻麻地,我又覺得唔錯喎.食完早餐又開始忙碌的一天,今次要同佢地考試,又要試電話同Headset,仲要度位換過dLocker,等佢地坐得舒服d,眨下眼又到 Lunch Time,同Sandy和June響公司樓下間大聖蒸品食套餐,叫左一個蒸肉餅,一個金針雲耳蒸雞同鼓汁排骨一齊share,又冇乜胃口食,我食左兩啖就冇食喇,只係飲晒果個唔知乜嘢燉湯同食左碟得幾條嘅菜,其實味道真係一般,不過都係以平取勝,每人盛惠人民幣十八蚊.下午又繼續同佢地考試,做到大概七點半先收工,我地又去番琴晚果間絕味川香食湘菜,連埋Nellie一共四個人食,一路食一路傾計,我地食得好開心,笑聲不斷,成間餐廳都係我地d笑聲,食到人地差不多關門先走,不過都係九點幾咋,佢兩個仲陪我同Sandy行番酒店,沿途都係笑聲不絕,哈哈哈哈哈.去到酒店門口June先截的士送Nellie返屋企再自己返Apartment瞓,我地返到酒店見到好多人坐晒響Lobby上網,好奇怪等左好耐都冇Lift,哎o乜原來部電梯壞左呀,唔怪之得個Lobby咁多人喇,結果我都在Lobby上網打發時間,Sandy就玩NDS,響Lobby等到差不多十一點半,有個姐姐話隔離有部Lift可以上到二十樓,行落三層就可返房,梗係去喇,個保安帶住我地去左隔離個地盤搭Lift,上到二十樓,一開Lift門,成Lift人都尖叫,嘩!周圍都冇燈架....伸手不見五指,好嚇人呀,個保安又唔帶電筒,我同Sandy禁著個電話,靠微弱的光線拖到實一實咁行,好在有佢響度咋,如果得我一個都唔知點算好,黑黝黝咁穿過個地盤行一段路先到樓梯,成地都係木板和垃圾,又怕踩到鐵釘,連樓梯都係冇燈架,我地幾驚仆落去呀,好不容易先返到房,我咁大個人從來都未試過要痞響Lobby上網,呢個體驗真係特別,是夜我地又傾計傾到成兩點先瞓,呢個時候國寶已經有左初型喇!
- May 05 Tue 2009 23:59
*.* 05May09 Guangzhou Trip VI ~ Day One
今次同Sandy一齊上去,約左佢07:30響火車站等,佢仲買埋麥當奴早餐俾我食,佢問我食乜,我要左個豬柳蛋漢堡,佢又問我飲乜,我話唔飲喇,我都唔鍾意飲老麥d汽水,咖啡我又唔飲嘅,點知佢買左兩個餐,因為一個飽同一個餐差好小錢就有埋嘢飲,結果佢自己飲左兩杯嘢,又唔收我錢,真係有d唔好意思.入左閘見到好多人呀,好左我昨日買定火車票咋,如果去到先買就實冇票呀,上車食完嘢之後,我地兩個一齊扮豬,一開車就瞓到落車,勁好瞓呀,哈哈.去到廣州,過關時超多人,又要填健康申報表,老外仲要探體溫,比較平時用多了大概十五分鐘先過完關,出去搭的士又勁多人,去到酒店Check-in都成十一點喇!今次我地住 7 Days Inn,雖然呢間酒店乜都冇,得兩張床,一個電視同洗手間,新到連Broadband都未駁好線,但好處係好近公司,可以行路返工放工,不過房間入面連風筒都冇,要出去走廊度共用,我真係未住過呢d酒店.晏晝去左仙跡岩食,佢d價錢真係拍得住香港d價錢,味道只係一般.夜晚好d,同 June去左絕味川香食湘菜,水煮牛肉好食到不得了,食完飯去左佢住果間Twin City Apartment睇睇,真係唔錯喎,乜都有齊,仲好過我住果度,最麻煩係要搭的士返工放工,佢一個人住真係好舒適,佢都話幾正.響佢度stay到成十一點先走返去 7 Days Inn瞓教,哈! 原來7 Days Inn每晚都有一盒蒙牛牛奶送架喎,Sandy返嚟果陣已經幫我攞左上去,佢話佢唔飲奶架,所以只係攞俾我飲,嘩!好感動呀,一直以來出Trip都係我照顧d同事多,今次佢照顧我,唔該晒妳呀.我返到去時見到佢響度一路食瓜子一路睇電視,沖完涼我地一直傾計傾到兩點半先瞓,我好眼瞓呀.