喉嚨好痛呀，last night 咳到死死吓，今朝連聲都變埋，真係唔想起身返工~.~返到公司一開電腦，見到有七百幾封電郵，差 d 暈低，都未曾回魂，廣州電話已到，佢係度一輪咀講左好多嘢，不過我有我堅持，已決定左今個星期的 Training Plan，唔能夠輕易變更，要佢地跟番我個 Plan去做。之後開左兩個鐘頭嘅會，真係超累，如果可以瞓一陣就好喇！今天又超忙，要安排同事在嚟緊聖誕節期間裝修時搬位及搬電話線，admin 仲走嚟問我 25Dec可唔可以安排個同事早 d 返嚟開門比裝修師傅，咪玩喇，果個人咪又係我，唔好咁殘忍喇，放假都要我返嚟開門！我已經得番半條命喇，要妳就攞埋去喇！今晚一路直踩到成十點先下班，企響條街度等車返屋企時，俾 d 風吹到頭都甩咁滯，今晚真係凍左好多呀，天文台話今晚會降到十度呀！寒風刺骨，天氣又好乾燥，攪到我好辛苦，好想冬眠呀！
全站熱搜
留言列表
