唔使一早起身，感覺真好，瞓到07:30先起床梳洗，食完早餐，開始執行李返香港 lu，今日天氣麻麻地，有小小涼及有煙霞，窗外一片灰濛濛，但電視話香港有17-23度，好似好熱咁啵，著咩衫好呢？最後都選了短袖連身短群加外套，hehe！ 九時二十分 check-out 出發回家 lu，今次好順利呀，去到火車站仲買到單坐位，然後就即刻可以入閘過海關，跟住又準時登車及開出，今次響火車上我冇瞓教呀，即刻爭取時間做報告，做到到達紅磡都未做完，好攰呀！香港真係好熱喎，等車返屋企時曬到汗流浹背，好在著短袖咋，唔係就熱死喇。返到屋企食完嘢，即刻跳上張床扮豬，自己張床同枕頭真係好，有六晚冇瞓過喇，雖然我唔怕陌生床，但始終都係自己張床好ｄ，酒店ｄ枕頭太軟，瞓醒會整到ｄ頭髮卷曲晒，好難攪。一瞓又瞓到食晚飯先起身，好正呀，食完飯先去 supermarket 掃薯片零食，又買左一大袋返屋企隊，hehe。
全站熱搜
留言列表
