ღ 小靜星 ~ k ღ

今日都好忙呀，要同四個 trainee 考試，上午兩個，下午兩個，咁就考左一日，都冇乜時間同佢地 briefing，晏晝我地三個又去返仙跡岩食 Lunch，邊食邊吹水，勁好笑，食到過晒鐘都唔知，遲左成二十分鐘先返上去！hehe！夜晚同廣州ｄ同事響廚意食飯，一邊食一邊玩鬥地主，玩左成晚，玩到人地關門先走，走果陣都十點幾喇， June仲陪我返酒店，Sandy 又未番嚟，我見佢又有ｄ酒意，叫左佢上去睡陣先，點知就好玩囉，Sandy 返嚟見到 June響度，出去再買啤酒返嚟同佢飲過，其實佢返嚟之前都飲左好多，已經醉醉地，兩條友響房度玩到癲晒，成晚響度講爛gag引我笑，跟住收埋左June對鞋，然後又收埋佢個袋落個喼度，等佢走唔到，勁好笑，玩到三點幾都未瞓，佢兩個真係痴線架，成晚都不停講嘢響度笑，又話我呃佢，明明話俾張床佢一個人瞓，係Sandy係都要攪住佢，佢去邊張床，Sandy又跟住去邊張床，兩個走嚟走去，笑到大家都冇得瞓，又笑到成身汗，早知唔叫佢上嚟喇，攪到第二日三隻熊貓一齊返工，辛苦都死．