今早約左PCCW去佢地個廣州個center參觀,佢地好好人又熱情呀,問佢乜都肯講,究竟佢地知唔知乜嘢係商業秘密架?我真係有d擔心第日人地問佢,佢都講晒比人知我地公司d要求,哈哈!糾纏左一個上午,準備離開時,突然間橫風橫雨,有遮都冇用,恐怕一出去就會全身濕晒,我地都係決定唔走住,食埋 Lunch 再睇定d先算!去左同大厦入面一間叫港式咖啡館食飯,好細間,得五六張枱,但環境唔錯,居高臨下一路望住雨景食 Lunch,幾好 feel ,不過就真係港式價錢,以廣州嘅生活指數來講,算係高消費,所以 Lunch Time 都坐唔滿.問侍應生食乜最快,佢話食 set lunch 喇,好!就叫呢個C餐,黑椒牛仔骨跟飯,但我唔想食飯,問佢可唔可以改意粉或薯菜,佢話唔得架喎,要整過好麻煩同要等好耐喎,哎呀!乜咁死蠢架,A餐咪就係跟意粉囉,邊使整過架,唉!講極都唔明,都係算把喇,怕左佢呀.哈!睇唔出件黑椒牛仔骨又幾好食喎,係港式味道,人民幣二十八蚊連涷飲,食得過!我同事就叫左個唔知咩雜菌炒飯再加涷飲,炒飯都好好食,夠乾身又唔多油,不過就真係好耐同埋貴d,佢加埋涷飲要成人民幣五十八蚊,仲要我食飽佢都未有得食.食完 Lunch就離開返公司做嘢,好在細雨左好多,上左的士都係隻鞋濕左小小.下晝響公司都好忙,好多嘢要 discuss同決定,攪到好夜先收工

創作者介紹
創作者 Mandy9013 的頭像
Mandy9013

ღ 小靜星 ~ k ღ

Mandy9013 發表在 痞客邦 留言(0) 人氣()