今朝一早執行李準備今日返香港,好在冇落雨 jet,好想快d返屋企呀!
返到公司交待左一d工作比Nellie,食完 Lunch 同Susan 傾左一陣,佢話我過嚟佢好開心呀,因為得我明白佢嘅 situation,其實我又點會唔明丫!
晏晝三點二度我地就鬆人lu,響公司樓下截左好耐先截到的士,去到火車站買埋火車飛啱啱好入得閘,上左車佢仲不停咀響度講嘢,我想瞓教呀!講左大半個鍾先捨得收聲真係討厭!佢一收聲就梗係即刻扮豬喇,瞓瞓下佢個頭瞓左響我膊頭,嘈鬼醒我,有冇煩d呀妳?架車到左深圳之後,起身去厠所,點知d厠所已經鎖晒冇得去,有冇攪錯呀?九廣通果種車都唔鎖厠所嘅,乜呢種車會鎖厠所架,好在唔去都得遮,諗住行開下,費事佢又枕落我度!
過完關都六點鬆d喇,一出閘 say bye 後即閃,特登唔鬼同佢一齊行,返到屋企都七點幾喇,櫈都未坐暖,揸電話個同事打嚟叫我幫佢 check個 booking,一攪又攪到我十點幾先去得沖涼,佢真係冇乜人性,放工又唔帶 Notebook,搵著我嚟攪,聽日我仲要返工架 ,我唔似得佢冇嘢做架,想做死我咩!

 

 

arrow
arrow
    全站熱搜

    Mandy9013 發表在 痞客邦 留言(0) 人氣()