close
酒店d早餐真係唔得，非常之難食，仲要一日差過一日，今朝睇見都唔想食，係咁咦整左件多士食就算數。晏晝 Karl 帶左我去食川菜，嘩！簡直係人間極品，比起個早餐，真係天堂和地獄，最正係果個辣椒炒蝦同水煮魚，食到唔停得口，六個人先食左二百幾人民幣，比起琴日同老闆一齊食果餐，平成千蚊，仲要好食過佢。其實琴日晏晝果餐，唔係唔好食，係太過普通同貴遮。夜晚七點幾開始落大雨，我地都留到成八點幾先走o架喇，不過d雨真係冇停落嚟嘅意思，我地企響公司樓下等左差不多成粒鐘先截到的士，又餓又睏，即刻飛車去一間叫大盤菜的酒樓食晚餐，沿途見到周圍都水浸，浸到去小腿咁上下，咁 Q 大雨，真係有傘都死，好在我地安全抵達，又冇淋濕 jet，hehe。我地三個人叫左大盤沙羌雞、蒜蓉蒸鮮貝勝瓜，蝦醬豆角，今晚由我請，都係食左人民幣七十四蚊，又平又好食。
全站熱搜
留言列表
