今日都係十點幾起身，先食個炸魚片+腸仔福麵，然後 晏晝又走左去買壽司食， 本來想買 KFC架，不過嫲嫲唔係咁鍾意食 KFC，都係買番佢比較鍾意食嘅壽司，基本上都係買番琴日果 d壽司，只係今日加多左兩個天婦羅炸蝦手卷同加多左一盒加州卷，嗚．．．．三日午餐就食左八百蚊喇！明明話左今日唔會午睡，點知．．．．唉！一食飽就睡魔急ｃａｌｌ，自動自覺又爬番上張床再瞓過，好驚聽日返工唔知點算好，食飽又想瞓就慘喇！不過聽日係假期後，應該勁ｂｕｓｙ，唔會有空閒時間，肯定又直踩到夜晚八九點架喇！呢三日都好，食飽瞓飽叉足電．其實今日已經唔敢再買甜品食，我要減番呢三日增嘅磅，好！聽日開始要謝絕零食，唔好引誘我呀！
目前分類：未分類文章 (233)
- May 03 Sun 2009 23:54
*.* 今日繼續勁食
- May 02 Sat 2009 23:59
- *.* 好享受扮豬的日子
三日假期，決定邊度都唔去，留在家中扮豬，第一天已非常成功，瞓餐飽，瞓到中午才起來，乜仇都報晒！先在家中食左芋絲，然後再去食Pizza，叫左兩個大Pizza，一個係新口味：海鮮雞肉芝麻脆批，另一個係我至愛：至尊，勁食左每款兩件，真係好好味
食完Pizza跟住再去買朱古力冬甩，嘩！好耐未試咁開懷大嚼，感覺真係好正，食飽返屋企再瞓過，四點幾瞓到七點半先起身食晚餐，仲邊度食得落丫，飲左兩碗湯咋！跟住挑燈夜戰，做 weekly & monthly report，一共加埋做左１４個 report，一直做到兩點幾先做完再上床瞓過．
今日早左ｄ起身，十點幾就起來，先煮左 spaghetti食，跟住出去幫 Sri去公司攞番個身份證，然後再去買壽司返屋企食，買左三盒三文魚細卷，兩盒加州卷，一盒青瓜卷及一盒二十件嘅雜錦壽司，一陣狂風掃落葉已清晒，食完再落街買我最鍾意嘅香芋雪糕食，跟住又走番上床瞓左兩個鐘，真係好似養豬咁，食完瞓，瞓飽食，咁攪法我好快會變豬扒，哈哈．聽日唔知食乜好呢？
- May 01 Fri 2009 23:59
- *.* 最唔想見到嘅事終於發生喇
本港發現首宗甲型H1N1流感疑似個案，警方及衛生署人員到灣仔維景酒店，進行封鎖行動。政府部門原定在下午4時半召開甲型H1N1流感例行記者會，但突然押後記者會，所有高層人員往食衛局開會，包括行政長官曾蔭權 。消息指出，本港可能發現首宗甲型H1N1流感（「北美流感」，前稱「豬流感」）疑似個案，涉及病人已被轉移至瑪嘉烈傳染病中心。據了解，3名墨西墨人被送往瑪嘉烈醫院 。警方及民安隊成員在晚上約8時，應衛生署的要求，封鎖灣仔維景酒店，不准旅客及職員外出，如有人要入內，警員表示，如衛生署封鎖有關酒店，他們要在封鎖令完結後，才能外出。
港大晚上八時化驗證實，本港確診首宗H1N1甲型流感個案。行政長官曾蔭權 正式宣佈，本港H1N1甲型流感戒備狀態由嚴重提升至緊急。第一名確診北美流感病人乘搭東航MU505航班到港，所坐位置為23A。 食物及衛生局長周一嶽表示，當局將追蹤機組人員及20行至26行的乘客，為他們進行醫學觀察。本港確診北美流感病人曾乘搭兩次的士，當局正找尋該2名的士司機，以防範病毒擴散。 食物及衛生局長周一嶽表示，該名病人曾由機場乘的士到灣仔維景酒店，在晚上再乘的士到律敦治醫院。該名確診病人住在灣仔維景酒店1103室，當局將會為酒店內的人檢疫7日。
- Apr 29 Wed 2009 23:59
- *.* 終於都出得院喇
Dad今日終於都出得院喇, 足足一個多月, 真惱人!!!究竟咩病,點解住左咁耐醫院, 我真係唔係好知道? 咁耐以嚟, 只係見過個醫生一次咁多, 今早仲要係返緊工, 醫院無端端打電話嚟話出得院喇, 搵人嚟接佢喇! how come??? 好在哥哥今日放假, 唔係臨急臨忙去邊度搵人接佢出院, 而家d醫院真係好奇怪, 要人留左咁耐院, 又唔話你知乜事, 失驚無神又話出得院, 係唔係都應該同人交待聲呢? 醫生好忙我都知, 但我地都唔見得得閒o者, 喂! 又唔係唔使錢, 出院都要埋單o架, 乜都唔話俾人知, 都唔知佢地做乜架!!!
- Apr 21 Tue 2009 23:33
- *.* 衰人,又蝦我
欲加之罪何患無詞, 成日都蝦我不喜解釋, 明明都唔關我事, 又變左關我事, 結果什麼都是我的錯, 我相信會有一個期限的, 期限到了就..........
- Apr 19 Sun 2009 23:51
- *.* 增肥成功
之前真係太瘦喇, 居然得番98磅, 經過兩星期的努力,終於增肥成功, 重左六磅, 多得日日食薯片, 又食雪糕同 pizza, 而家啱啱好, 不過要保持住唔好再肥先得.
- Apr 16 Thu 2009 23:59
- *.* 道不同不相為謀
做乜蝦我喎?妳唔做咪出聲囉,應承左人, 拖左我兩個禮拜先叫我自已做, 我做到就唔使等妳喇, 冇人有妳咁衰架!妳咁黑心,因住有報應呀!
- Apr 13 Mon 2009 23:59
- *.* 嘩！超級忙呀
今日大厦維修中央冷氣，全日都冇冷氣，嘩！熱到標晒汗，又焗，次次都係我中，成日到我返公眾假期呢，就唔係冇冷氣就厠所冇電，一係就冇水，梗係要有一樣嘢冇架喎，仲有呀點解咁忙架，10:00-18:00完全無停過，想做死人咩！d 人都癲癲地架，呢頭做完，confirm 左俾佢，轉頭又取消，取消左之後，隔一陣打嚟又話要做番，大佬呀 public holiday得兩丁友 on duty 架咋，咪鬼咁玩嘢先得架！不過好在晏晝有人送外賣，黑椒牛丸米加百力滋
，一路食一路聽電話，結果食左成個鐘先食完碗米粉，咁都好過冇得食嘅。
- Apr 11 Sat 2009 22:59
- *.* 爸爸仲未出得院呀
爸爸入左院成二十九日喇，到而家都未出得院，都唔知D醫生攪乜架？又唔話俾人知佢乜病，又唔準佢落地，成日要佢瞓響張床度，究竟想點架！攪到一家人都疲於奔命，真係好煩！
- Apr 07 Tue 2009 23:37
- *.* 電話響到冇停過
呢兩日個電話響到冇停過, 究竟係咪壞左呢?
- Mar 28 Sat 2009 23:59
- *.* 今日終於見到可遇不可求的醫生
今早收到姑娘通知，話約左醫生今晚六點見我地，成六日先見我地，真係可遇不可求! 好衰唔衰今日又輪到我 on duty，六點鐘就要開電話聽 emergency call，去到時醫生都未到，佢成六點九先出現，佢出現之前我已接到 call，要做 on day booking，佢一路講，我就一路用 pocket pc上緊網搵酒店電話，佢條友勁攪笑，問我係咪錄緊佢音，我真係冇佢咁得閒。聽佢講爸爸係因為急性腎衰竭而入 ICU 急救的，原因是佢食果隻止痛藥令佢體內積聚大量鉀，未能排出體外，引發病理性腎衰竭，嘩佢d止痛藥都係您地醫院開俾佢食架，食到佢爭d冇命呀！咁都得！我覺得係醫療事故囉，藥又係您地開，攪到佢咁樣。而家又話佢冇膽結石，都唔知做乜會成日肚痛，下星期安排同佢照腸，我都唔知佢地邊句真，anyway 都冇計架喇，都要照左先知。
- Mar 26 Thu 2009 23:13
- *.* 一天一天....
- Mar 25 Wed 2009 22:49
- *.* 筋疲力盡
好攰,攰到眼都睜唔開,流左三日鼻水,又不停咁打乞嚏, 我就快頂唔住喇! 好想厘埋呀, 搵一個冇人搵到嘅地方柄埋, 得唔得呢?
- Mar 23 Mon 2009 23:59
- *.* 爸爸入左ICU呀
今日朝早冇返工，同媽咪響ICU門口呆坐左幾個鐘，都唔知發生咩事，d姑娘淨係叫人坐響到等，又唔話俾人知爸爸咩事要入ICU，又冇人理我地兩個，又見唔到醫生 >.< 等左唔知幾耐之後，先有個姑娘叫我地入去睇下爸爸，根據佢嘅描述話爸爸因為血液入面鉀太高，情況一度好危險，會引致心臟停頓，所以送佢入ICU急救，幫佢洗左血，我對佢講嘅嘢真係十萬個為什麼？？？鉀係咩嚟呢？無端端點解ｄ鉀咁高呢？仲要洗血喎，點洗呢？洗完又點呢？跟住又話照到佢有膽石，可能要割膽石，不過報告未出，暫時都未知．見完個姑娘後，同左媽咪返屋企，然後返左公司做嘢，放工一夠鐘就閃，去醫院探爸爸，因為ICU每日得１８：００－２０：００先可以探病，仲要每次只可兩個人同埋要著晒袍先可以入去，去見到家姐，佢話呀哥都嚟左，不過我唔見到，呀哥明明話等埋我先走架嘛，去到又唔見左人？跟著家姐都走左，有個男護士突然埋嚟同我講，話照到爸爸胰臟好似有ｄ問題，佢話佢唔敢講，叫我問番醫生，嘩！大佬呀，您地ｄ醫生真係可遇不可求架，今朝等左成朝，人影都冇過，夜晚又話醫生會好夜先嚟，咁點等呀？朝早我已經同姑娘講我要見醫生，個個都話唔知醫生幾時嚟架，又話已經通知左醫生，不過唔知佢幾時嚟，叫我坐響出面等喎，喂！病人家屬要返工架，唔係２４小時得閒坐響到等醫生架！
- Mar 21 Sat 2009 23:59
- *.* depressed
無論在公在私,都非常之失望. 點解要咁樣喎....
返工又俾人 鬧, 返歸又俾人鬧, 都唔知做乜....
不愉快事件接二連三, 一齊發生, 有點手足無措....
唔想再繼續落去, 幾時可以走出陰霾???
- Mar 19 Thu 2009 23:59
- *.* out of control
一切都不在掌握中，開始有點失控，該如何自處.........
- Mar 18 Wed 2009 08:12
- *.* 無言無語...................
只要相信尚存愛 就算多深的海 難以阻礙
總有天你心會開 然後我會踏進來
只要真正在乎你 為那小小悲衰 誰當傷害
因你一眼一喝彩 難道這也不算愛
- Mar 16 Mon 2009 22:12
- *.* 又中毒
家裡的電腦又中了毒，上不了痞客邦，只能用 notebook 上，好煩呀............
- Mar 14 Sat 2009 23:59
- *.* 無言無語送別六姨
......................
昨晚見到兩個富貴的姨媽及很多表哥表姐, 估不到要在這些地方相見, 真係諷刺.
今日大家又聚首一起送別我最親厚的六姨, 有點嬲表弟及表妹最後一刻才通知我們. 由小到大我都跟六姨一家比較親厚, 因為幾位姨媽都嫁了有錢人, 身份有點懸殊, 連帶和很多表哥表姐都沒什麼感情, 而且他們也比我大很多, 根本找不到話題. 只有我媽及六姨嫁得普通一點, 所以我跟表弟及表妹感情也深厚些. 記得小時侯到過六姨家中小住, 她家有兩隻白兔, 養得像一隻狗那麼大, 很嚇人的, 還有六姨教我做的芒果布甸.........兒時點滴都湧上心頭. 今天要送她最後一程, 心裡真的很難過, 欲哭無淚. 在送別儀式時, 我看到姨媽, 表姐表妹及媽媽爸爸也哭了, 就是我一個沒哭, 好像好冷酷.
完成儀式後, 大家一齊午膳, 抵達商場後, 爸爸居然走失了? 其實都幾攪笑, 明明大家一起行的, 姐姐拖著媽媽, 哥哥跟他一起, 我和姨媽走在最後, 到達電梯口, 我們發覺不見了爸爸? 結果要勞煩商場的人員協助尋找, 而表哥表弟姐姐哥哥及我就逐層商場去搜索, 最後給哥哥在一條自動電梯發現爸爸, 令大家虛驚一場.
