ღ 小靜星 ~ k ღ

咳咳咳咳咳, 咳左三個星期都未好得番晒, 琴晚返到屋企大昏迷, 喪瞓左十三個鐘, 好正!呢兩日轉天氣, 又勁咳, 剛剛又去睇醫生嚟, 都係俾番果d咳水同藥我, 就快咳死我喇! 早兩日報紙先講有個女童在睡夢中咳死左....我唔會步佢後塵掛?日日不停咁聽電話, 一路咳一路講, 真係好辛苦, 呢份工最怕就係咳, 幾時先至好得番呀, 再咁落去, 咳到肺都穿呀

今日天氣好似心情, 天陰密雲，間中有毛毛雨，唔知點解一早起身就覺得心情低落, 冇乜心機.......樣樣都提不起勁
突然想起李聖傑的位置

月色映在我的臉龐
今夜適合寂寞陪伴

過左兩日沒有 Home Helper 的日子，原來真係好唔慣，又要自己做家務，但又唔識做，煮左兩餐飯，真係幾難食下，重要整到雙手霉晒，好慘呀！快 d 搵人打救下我喇！我真係唔係呢方面嘅才料，雞手鴨腳不在話下，望住 d 衫真係好想喊架！唔制唔制唔制唔制呀........................唔要再做喇！

Tika 今日last day，一早就走左去機場搭飛機走人，今日放工後，要返屋企自己做家務，最慘我又唔識做，攪到無得瞓晏教叉電。見到嫲嫲洗菜洗得咁求其，又唔摘菜又唔切左d菜頭，今晚我煮飯呀，兩餸一湯，在又割損手又淥親之下完成，雖然屋企人話好食，不過我覺得真係唔係幾好食*-*，只係食得下入口咁喇，好過嫲嫲樣樣都煮燶晒咁喇，諗起聽朝起身要開洗衣機洗衫，然後就又要掠衫又要收衫，仲要熨衫，真係救命呀！我連個洗衣機同熨斗點用都未知呀，呢 d 日子仲要捱到四月中新果個 Home Helper 嚟，點過呀？

真係黑仔，足足俾人鬧左一日，勁唔開心呀.......................

直到今仍然感到很震驚及難過，好幾次拿起電話，想親自打給您們慰問，但又怕忍不住眼淚，只會令您們更加傷心，只好作罷以 sms 作橋樑。今天得悉您們心情已平伏，心裡也好過些，最親厚的六姨，永遠也會活在我們的心裡，我將永遠永遠懷念她。

二零零九年二月十八日晚上十一時十五分
惡耗傳來，一陣劇痛攻心
輕輕的妳走了，遺憾未能親自跟妳道別
有些事總不能重來，我不願意也沒法辦
倔強的妳為了不想麻煩人，一直秘而不宣

食左 d 藥好暈呀，成日都天旋地轉咁，又手軟腳軟，好在琴日換左藥，夜晚瞓教冇咳醒喇！今朝電話又勁響 bell，真係攪到疲於奔命，點解 d 人係都要問 d 冇嘅嘢架，有嘅又唔做，係要問 d 冇嘅，幫佢搵到覆左佢之後，又話都係唔要喇要番有果 d，係咪玩嘢呀？而家 d 人真係無聊同有 d 變態，鐘意咁樣玩嘢。

一係就唔病，一病就病到死死下，本來都冇乜嘢，食左三日成藥，最慘就係咳，終於頂唔住琴日放工去左睇醫生，點知我睇開果個醫生休息，變左第二個醫生，咁都冇辦法照睇喇，點知食左佢 d 藥仲衰過未食，之前係有小小咳，食左藥之後就咳過不停，咳到成晚都瞓唔到，今朝起身仲眼腫面腫，醜樣指數爆燈呀！又天旋地轉，手軟腳軟，晏晝頂唔住返左去醫務所換藥，都係我睇開果個醫生掂，佢加左 d 藥俾我，再加上喪瞓左一日，希望今晚唔會咳唔停喇。

原來一次過做番兩個禮拜嘅嘢，係唔得架！攰到眼都張唔開，冇晒電喇，放假要去買雞精飲先得。十五號前仲要去買書，邊有咁多時間呀！好眼瞓呀，我想瞓教呀，如果日日都有十個鐘瞓就好喇！點解淨係得我一個咁 Q 忙架？

嘩！忙到痴左線，無返香港 office 兩個禮拜遮，使唔使多嘢做到咁呀？一返去又成枱都係嘢，開電腦仲驚，九百九十七個 e-mail，睇見差 d 暈低咁滯，點解得兩隻手咁小o架，手頭上 d 嘢，睇嚟一個禮拜都未能清理好，仲有好多新嘢要去處理，真係唔瞓都唔掂！嗚嗚嗚嗚...........最基本都要趕左 d report 交左先，不過電話又響爆，office hour完全都做唔到 report，好 sad 呀！您地唔好圍我喇，我 d job 唔拖得o架，everything urgent urgent urgent 有時間做先得o架！

唔使一早起身，感覺真好，瞓到07:30先起床梳洗，食完早餐，開始執行李返香港 lu，今日天氣麻麻地，有小小涼及有煙霞，窗外一片灰濛濛，但電視話香港有17-23度，好似好熱咁啵，著咩衫好呢？最後都選了短袖連身短群加外套，hehe！ 九時二十分 check-out 出發回家 lu，今次好順利呀，去到火車站仲買到單坐位，然後就即刻可以入閘過海關，跟住又準時登車及開出，今次響火車上我冇瞓教呀，即刻爭取時間做報告，做到到達紅磡都未做完，好攰呀！香港真係好熱喎，等車返屋企時曬到汗流浹背，好在著短袖咋，唔係就熱死喇。返到屋企食完嘢，即刻跳上張床扮豬，自己張床同枕頭真係好，有六晚冇瞓過喇，雖然我唔怕陌生床，但始終都係自己張床好ｄ，酒店ｄ枕頭太軟，瞓醒會整到ｄ頭髮卷曲晒，好難攪。一瞓又瞓到食晚飯先起身，好正呀，食完飯先去 supermarket 掃薯片零食，又買左一大袋返屋企隊，hehe。

新借來的三個 Hard Phone 仍然有很多問題，在Conf. 途中會突然聽不到任何聲音，Soft Phone 更不用說，不定時會斷線。中午JOS 帶了 Switch 來給廣州辦事處試，更換後

由於需要再在每 一台電腦做一些設置，差不多接近四時才能再使用遠程及 Soft Phone，因時間太短，未能真正測試出效果，初步結果Soft Phone 仍然有斷線，但就沒有了大

細聲及窒下窒下的情況，亦能清楚聽到客戶的聲音，不過仍然要待下周再測試清楚。同日亦跟 Albert 通過電話，將情況跟他溝通過，堅決表明了我們不會再使用Soft

 Phone，要求全部更換 Hard Phone，要求他儘快借出幾個我測試過最穩定的那種型號 Hard Phone 給廣州辦事處使用，他回覆香港及其他城市亦沒有現貨，需要訂貨才有，

不過會儘快安排給我們。晏晝沒有出去食，叫了外賣回來，三餸 : 酸菜魚+白切雞骨+唔知乜嚟，盛惠人民幣七塊，便宜得有點嚇人，晚上約了 Canny 和 Jessica 一齊食，她

早上他到來後，即刻安裝 Hard Phone 再作測試，用 Hard Phone Conf. Hard Phone，效果非常之好，完全沒有大細聲，窒下窒下，客戶亦沒有很遙遠的感覺，清晰度及質素跟香港的電話一樣。只是他帶來的 Hard Phone 是不同型號的，很不穩定，經常有斷線的情況出現，不及第一次借出那個型號穩定。他在檢查過電腦系統後，他提出我們的 Switch 型號太舊，不能分開處理 data 及 voice的先後次序，亦是導致電話質素不好的原因，他建議借出一個比較適合我們公司用的Switch 去測試，並會在06Feb送來廣州辦事處。我跟他說去年十一月，我們已發現Soft Phone有很多的問題，並已匯報了給他的公司知道，但他們一直只是拖，沒有徹底去解決，他的態度比較正確，真是有心去解決問題。今日又要轉酒店喇，呢間又係好熱情，不過好 d ，淨係食 Lunch Buffet，唔使又攪到好夜先有得返去瞓。今晚同 Nellie去左麻吉剧扖，兩個人食左人民幣一百蚊，都幾好食喎。

全日做 Monitor call training，Soft Phone 仍然有很大問題，不時斷線，有大細聲的情況及讓客戶感覺到很遙遠，有好些客戶亦直接問他們是否在廣州辦事處。真係好失敗，咁都俾人察覺到！今日 Lunch 終於試左廣州的 KFC，買左香辣雞腿堡，炸蟹鉗，同埋芙蓉唔知乜嘢三鮮湯，味道都不錯，夜晚就去左麵點皇食我最愛的餃子，不過羊肉泡膜就太"穌" 我頂佢唔順，嘩！成碟餃子俾我食晒呀！唔知點解我明明係南方人，會好似北方人咁鐘意食餃子o架呢？

嘩，d 早餐好難食呀！雖然都係冇腸仔，但佢 d 嘢都唔啱我食嘅，我最怕就係果 d 黃金糕、年糕、椰菜呀........等等，樣樣都甜嘅，點食喎，求其啃左兩塊多士就閃喇。今天繼續測試 Hard Phone 的質素，及跟進遠程XML系統內發傳真的問題，初步測試過是可以發出傳真及可列印到 Booking Report，但pre-view Booking 及e-mail RO, Confirmation & Voucher的功能仍未能做到。 Hard Phone 的情況跟 02Feb結果一樣，非常穩定，不會出現斷線的情況，相反Soft Phone 就經常在與客戶談話中途，無故斷線，或客戶聽不到廣州同事的聲音。同日下午五時多，跟 電話系統公司的企業網絡高級經理 在香港辦事處和Tracy及Raymond作了一次 Conf. 會議，商討解決的辨法，言談間他們是希望解決Soft Phone的問題，但由於Soft Phone的問題決不能夠立時三刻就解決得到，站在公司的立場我們亦絕不能拿我們的客戶來開玩笑，因此我們要求他們儘快多借出幾個Hard Phone給廣州辦事處作測試，最後成功爭取到他們在 05Feb多帶三個 Hard Phone 到廣州辦事處，讓他現場體會 Soft Phone 的問題及可以實地看看我們電腦的設定是否不對。贏左，哈哈！夜晚和同事去了吃湘菜，勁辣，超正 hehe！

今早吃早餐時，發現沒有哪些腸仔，真係好感動，終於擺脫果d腸仔的魔掌，哈哈。Check-out 時酒店收左我 RMB120 Boardband Fee，好貴呀 返到公司後繼續我的任務，Hard Phone 好似真係好過 Soft Phone 好多喎，完全無大細聲，窒下窒下及斷線的問題，但 Soft Phone 就真係好唔掂，不停自動斷線，遠程都冇斷線，佢都會自己斷，真是令人費解！電話的問題已拖了三個月仲未解決，大家都好著急，我希望今次能夠徹底解決到這個問題。今晚要轉酒店，果間酒店又鬼死咁熱情要請我食 Buffet Dinner，其實呢 d 咁嘅應酬唔係好啱我，我寧願一個人靜靜地喱埋響房度自閉好 d。

今日初七人日，一早08:45齊集在火車站，和老闆，Vicky、King、Dora、Larry、James、Sandy、Tom一齊出發到廣州，跟廣州辦事處見見面及團拜，原本他們都會留一晚的，但因有事他們臨時取消了，即日回香港，只得我和Eddie住。由於只得我 stay，只有我一個人有行李，沿途都是我自己提著個喼上路，上海的Eddie和廣州的Karl就在廣州火車站等我們，抵達後酒店派了專車來接我們，跟著在酒店午膳，然後在酒店會議室開會。會後酒店亦派專車送我們回廣州辦事處，跟廣州的同事團拜，晚飯過後，他們便回香港了。

執緊行李，準備明早再出發，今次要再試遠程入面嘅 rightfax, preview fuction 同 hard phone，希望初七能開工大吉，一切順順利利喇！如果攪掂到這三樣嘢，就唔使再咁頻密上去 lu，但願如此啦！今日又大吃大喝左一天，又食 Pizza ，又食卡樂 B 薯片，又食卡樂 B 雜菜薯條，我發現無嘢開心得過開懷大嚼，如果唔係怕肥，日日咁食法都好開心下，不過放縱埋今日，聽日就要開始減肥，唔能夠再咁樣落去，目標減5磅，希望廣州回來能達標，hehe。