o.o 上海出差回來，攰到想死今天完成任務要離開了，天下著大雨，很堵車，臨尾香，最後一天坐了差不多一小時的士，才抵達公司，已經提早了半小時起來，還是遲到了! 今天我和 Wan 決定了一定要請他們吃午餐，以答謝他們五天熱情的招待，我們去 Pizza Hut 買了兩個大 Pizza，飯，意粉及小食， 還去了超級市場買了大堆零食給他們，一起吃了一頓很開心的午餐，還逐一拍了照片留念，離開的時候，大家都依依不捨........ 他們還幫我們拿行李上車，中午13:00就離開去機場了，真的很捨不得他們，一上車我就睡著了，連到了機場也不知道，要 Wan 叫我起身下車，邊有人好似我咁架，去到邊瞓到邊，真是被人帶去賣了都不知道，哈哈。Check-in 後航班延誤了兩個小時，在機場呆坐了好幾個小時，真想出番去，航班又不停轉登機閘口，由頭行到落尾，再由尾行番回中間，攰死人喇，結果要八點才landing。返到屋企差不多十點，明天還要返工，真係攰到想死。回到家後一上磅，嘩! 肥左五磅，救命呀，聽日開始要減肥喇。
*.* 出差上海的第四天由於一晚夜過一晚瞓，個眼袋已經大過隻眼，朝早望住塊鏡覺得好醜樣呀! 
今日午餐仲勁，我地叫外賣回公司吃，居然只須八圓人民幣，他們遞 menu 我選菜時，我第一時間問呀 Wan，咦...咁平? 食唔食得架? 最後我和 Wan 都選了紅燒雞腿菜飯，仲有前菜及湯送， 前菜是蘿蔔根，有點麻辡的，紅燒雞腿有兩只，買相不討好，但味道極好，湯就較遜色，是普通菜湯，沒什麼味道，顏色像洗碗水，所以 Rainbow 說去買麻辡湯時，我也要了一碗試試，內有金菇，有很多蔬菜及八只魚腐，才一塊人民幣，又是便宜得好嚇人，但好好味喎，只是不夠辡。晚上我們去了浦東香格里拉大酒店吃自助晚餐，這個不用說喇，極之好吃，酒店知道我和Wan 是從香港來的，還特別 order 了四籠新鮮的小籠飽給我們品嚐，每籠有六隻，給我連吃了兩籠
，真是很誇張，hehe。晚餐後我們還要去上海柏悅酒店參觀，本來預約了六時半的，但因下班晚了，我們先吃晚餐才再去參觀，上海辦事處亦跟酒店銷售部打過招呼，說明調動一下行程的。怎料抵達後，這間號稱全上海最高級的酒店，服務態度如此不濟，居然可以當著我們面前，跟銷售部說不會給我們參觀，小小一個 reception 居然有如此大權力，好難想像這間酒店是怎樣做管理的，Sales & Marketing Manager 權力都大不過 Front Desk，真是曠世奇聞。好喇，不給我們看房間也罷，我們自己到處看看便算，怎料所到之處，看到的服務員，他們只會跟洋人打招呼，對我們一干黃皮膚，是視若無睹的，又是一絕。逛了一會我們便離去，由於下很大的雨，Annie 便通知了他的男朋友駕車來接我們，車子停在酒店門口，這時 Bell Boy 過來幫我們開車門，我想這個還像樣一點，怎料好戲在後頭，原來他只是負責開門的，不幫我們關上門便走了，這家酒店實在是太過份了，服務意識連一家三星級酒店也不如，如何值四千港幣一晚的房租呀? 我想下次得扮洋人才好走進這家酒店。
*.* 出差上海的第三天 今日下午他們帶我們去了在公司對面，上海大寧福朋喜來登酒店的員工飯堂吃午餐，嘩! 超平呀，十蚊人民幣，有三餸一湯，仲有生果同有嘢飲添。三餸是炒時菜、磨菇牛肉、同炸豬扖，件豬扖仲要好似我塊面咁大，不過都好好味，個豆腐湯都好正，是日生果係香蕉一隻，好食又平，真係去邊到搵喎，最衰冇帶個相機去影低佢。晚上我撇甩左 d 同事 ，去搵一個識了多年的舊朋友，他安排了大閘蟹宴給我，仲有蟹粉小籠飽，全部都係我鐘意的食物，真係好多謝佢嘅招待。臨走時他才告訴我，原先是訂了一個露天的餐廳食海鮮，但因為下雨，所以才臨時改了地點，anyway 其實我只是想探訪一下佢，跟他聊聊天罷，想不到他會有咁好的安排。返到酒店後，又上不了網，真係激死我，又要找服務員來，他來到檢查後說是插座鬆脫，叫我再斷線就拔掉插座再重新接上，咁! 我咪就係成晚響度又拔又重新接上囉，點解唔換過第二條線俾我喎，要我付一百圓人民幣一天上網費，仲要我自己不停拔掉插座再重新接上，係咪有 d 過份呢!
*.* 出差上海的第二天今天有備而來，一切都顯得比昨天順利，中午他們帶我們去了巴巴拉吃午餐，一間好像 Pizza Hut的店，吃 Pizza、意粉和小食，有一個奶油磨菇，買相極醜，黑黝黝的，但估佢唔到，非常之好食，今天一共六個人吃：Eddie, Ken, Annie, Rainbow, Wan & Me，共吃了二百伍十塊人民幣，Eddie 付的帳。又是工作到七時多才下班，這晚跟 Eddie, Ken & Rainbow 去了王寶和酒店食上海菜，可能以前都去過，沒什麼特別，都是好吃的。吃完飯，去了南京路步行街買手信回香港給同事，之後沿步行街行去外灘看夜景，影左一些相片，其實看過香港的夜景，對其他地方的夜景是冇乜感覺的，我地行左一陣就走了，返到酒店都成十一點幾。嘩! 又上唔到網，又 call 左個服務員嚟整，個 broadband 咁差，仲成日斷線，都收一百蚊人民幣一日，真係有冇天理呀?
*.*出差上海的第一天凌晨四點四十分起床梳洗，準備出發到機場，眼睛都睜不開來，約了Wan五點半在樓下巴士站等，她又遲到了十分鐘，好在機場巴士好快便到了。在機場買了一些手信給上海的同事，一上機又發揮我的小宇宙：即刻睡著了，落機後一切都很順利，過了關便見到接我們的司機，上車後又即時瞓左，都真係幾好瞓，哈哈。差不多到酒店時，司機居然走錯了路@#$%^&*()，仲問我們酒店靠近哪裡 ??? 你都唔知，我鬼知咩!好在Wan沒睡，說好像剛才看到過，司機才往回頭走。抵達酒店Check-in時，前台找不到預訂，有冇攪錯呀! 終於給我體驗了Check-in no record，嘩!我做Hotel Reservation 架喎，連我都 Check-in no record，都幾好笑。Final 最後都搵到，Check完 in就飛的直奔 Office，約一點半到了公司樓下，不過搵唔到邊棟先係??? d 指南真係點到你暈，響樓下兜來兜去都搵唔八號樓，好彩佢地呢個時候打電話來問我地響邊，仲落嚟接我地 jet，hehe。上到 office，部 notebook又入不到公司系統同開唔到 right fax，要打電話返香港俾I.T.人遙控入我部 notebook整，等佢整好，部 notebook 又冇晒電 lu，我又漏左變壓器響酒店，結果都係用唔到! 激死呀! 放工時已經七點，Ken 哥哥非常熱情，要請我和Wan食飯，一行五人連Annie 及Landy去了公司附近的小紹興食上海菜，好食不過都幾貴，食左佢四百幾人民幣，對佢地嚟講，真係好貴的一餐，我同Wan 都有 d唔好意思，食完飯我地就分手返酒店 lu，返到去第一件事是上網先，點知上唔到嘅? 好驚呀，上唔到網點算呀，即刻靴靴聲叫服務員嚟睇下，好在佢嚟到攪掂左上到網，不過隻 mouse唔知做乜失靈用唔到，唉，真係一波三折，最後我發覺，原來在國內是上不到台灣的 website 架喎，不過都算喇上到網已經好好架喇。
*.*琴日PK琴日響屋企一起身就P.K.，跌到隻手同隻腳瘀晒，
條手臂都擦損埋，Tika 妳想跣死人咩？
~.~ 煩爆真係好煩，好煩，佢地又唔明白，仲成日
為左d雞毛蒜皮嘅事響度嘈嘈閉!一d危機感
都冇，激死人! 好擔心下星期我不在公司的
時候，他們會怎樣?
*.*開始準備踏上征途 *.* o...又使左好多錢今日買左部 Acer notebook 同 Casio 相機，
又使左好多錢，連埋部電視，今個月已經用左
好多錢，出現財赤喇，要慳 d 使先得喇。
今日本來諗住買 Sony T77，但係太薄唔係幾
好揸，個 Sales 又話呢部 Casio Z300都好就
*.* 3,650日 *_* 使左好多錢使錢好似倒水咁，今個月已經入不敷出，
真係要慳 d 使喇。
*.*由這一分鐘 我一生 就只有您側田 - 三十日
逐晚倒數 為見您準備
願您快點 又與我一起
寂寥足足一個月 由電話減少距離
>.< 今日電話好似壞左咁
完成上海之旅後，又要
